Xana U Ni Xitirese?

“Vanhu hinkwavo va na xona xitirese kambe le swa ka mina i ntlakulavaxurhe. Phela xitirese xa mina a xi vangiwi hi xiphiqo xin’we ntsena, xi vangiwa hi swilo swo hambanahambana, ndzi tshama ndzi ri nyimpini, kasi xin’wana hi leswi se ndzi nga ni malembe yo tala ndzi ongola nuna wa mina loyi a vabyaka emirini ni le miehleketweni.”—Jill.a

“Nsati wa mina u ndzi tshikile kutani a ndzi fanele ndzi kurisa vana vambirhi ndzi ri ndzexe. Ku va mutswari la nga yexe a hi matlangwana. Ku engetela kwalaho ndzi heleriwe hi ntirho, a ndzi nga ha swi koti ku yisa movha wa mina esevhisini. A ndzi nga swi tivi leswaku ndzi khoma kwihi ndzi tshika kwihi. Xitirese lexi a ndzi ri na xona a xi nga ndzi dyisi byi rhelela. A ndzi swi tiva kahle leswaku ku tidlaya swi hoxile kutani ndzi kombele Xikwembu leswaku xi herisa ku xaniseka ka mina.”—Barry.