Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • g20 No. 3 matl. 10-11
  • Endla Xinghana Ni Vanhu Vo Hambanahambana

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Endla Xinghana Ni Vanhu Vo Hambanahambana
  • Xalamuka!—2020
  • Swihloko
  • Tinhlokomhaka Tin'wana Leti Yelana Na Yona
  • Xiphiqo
  • Nawu Wa Le Bibeleni
  • Ndlela Leyi Swi Hi Pfunaka Ha Yona Ku Va Ni Vanghana Vo Hambanahambana
  • Leswi U Nga Swi Endlaka
  • Va Kote Ku Tshika Xihlawuhlawu
    Xalamuka!—2020
  • Rhandza Vanhu Van’wana
    Xalamuka!—2020
  • Ku Enerisa Xilaveko Xa Hina Xo Va Ni Vanghana
    Xalamuka!—2004
  • Vanghana Lavanene—Vanghana Vo Biha
    Xalamuka!—2004
Vona Swo Tala
Xalamuka!—2020
g20 No. 3 matl. 10-11
Vavasati vamune va tinxaka to hambana va ri karhi va tiphina hi mabulo naswona vana va vona va ri karhi va tlanga swin’we.

Endla Xinghana Ni Vanhu Vo Hambanahambana

Xiphiqo

Loko hi fambela ekule ni vanhu lava hi nga va rhandziki hi ya hi hlanganyetela xihlawuhlawu etimbilwini ta hina. Loko hi endla xinghana ni vanhu lava fanaka na hina ntsena, hi nga ha tibyela leswaku ndlela leyi hi endlaka swilo ha yona hi yona ntsena ndlela leyinene yo endla swilo.

Nawu Wa Le Bibeleni

‘Rhandzanani hi mbilu yo basa.’—2 VAKORINTO 6:13.

Hi dyondza yini eka ndzimana leyi? Rito leri nge, “mbilu” ri nga ha vula ndlela leyi hi titwaka ha yona. Loko hi rhandza vanhu va rixaka ra hina ntsena ha ti pfalela, a hi nge tolovelani ni vanhu van’wana. Lexi nga hi pfunaka i ku va hi endla xinghana ni vanhu vo hambanahambana.

Ndlela Leyi Swi Hi Pfunaka Ha Yona Ku Va Ni Vanghana Vo Hambanahambana

Loko hi ya hi va tiva ku antswa vanhu vo karhi, swi endla leswaku hi ya swi twisisa leswaku hikwalaho ka yini va endla swilo hi ndlela yo karhi. Loko hi ya hi va tolovela, hi sungula ku va teka va fana na hina. Hi ya hi va rhandza, hi tsaka na vona hi tlhela hi rila na vona.

Xiya ntokoto wa Nazaré. A a venga vahlampfa. Loko a hlamusela leswi n’wi pfuneke, u ri: “Ndzi tinyike nkarhi wo va na vona ndzi tlhela ndzi tirha na vona. Loko ndzi ri karhi ndzi tolovelana na vona ndzi kume leswaku a va hi ndlela leyi vanhu va va tekaka ha yona. Loko u va ni vanghana va rixaka rin’wana u sungula ku va rhandza ni ku va teka va ri va nkoka lerova xihlawuhlawu xi namba xi ku nkwee!”

Hlawula Vanghana Hi Ndlela Leyinene

Vanhu van’wana va hlawula ku hanya hi ndlela leyi vavisaka vona ni vanhu van’wana. Hi yona mhaka a hi fanelanga hi vungavunga un’wana na un’wana. Loko hi hlawula ku papalata vanghana vo biha a swi vuli swona leswaku hi na xihlawuhlawu. I swa nkoka ku papalata vanghana vo biha kambe a hi fanelanga hi va twisa ku vava vanhu lava nga hanyiki hi milawu leyi hi hanyaka ha yona kumbe hi va hlawulela ndlela leyi va faneleke va hanya ha yona.—Swivuriso 13:20.

Leswi U Nga Swi Endlaka

Tinyike nkarhi wo vulavula ni vanhu lava humaka eka tiko rin’wana, rixaka kumbe lava vulavulaka ririmi rin’wana. U nga ha

  • Va kombela va ku byela swo karhi hi vona vini.

  • Va rhamba leswaku va ta dya na wena.

  • Va yingisela loko va ku byela leswi va humeleleke evuton’wini ni leswi nga swa nkoka eka vona.

Loko u ringeta ku twisisa leswi nga tshama swi va endlekela evuton’wini leswi endleke va va hi ndlela leyi va nga ha yona namuntlha, swi ta endla leswaku u va rhandza.

Ntokoto: Kandasamy na Sookammah (Canada)

“Hi kulele eAfrika Dzonga hi nkarhi wa xihlawuhlawu. Vanhu va tinxaka to hambanahambana a va sindzisiwa ku tshama hi xi vona leswi endleke leswaku vanhu va ya va vengana swinene. A hi nga ri valungu naswona a hi nga va rhandzi hikuva a va hi khome ku biha. A hi tivona hi nga ri na xihlawuhlawu hikuva a hi tibyela leswaku hi vona va hi zondhaka.

“Hi swi xiyile leswaku hi na xiphiqo kutani hi sungule ku endla xinghana ni vanhu va tinxaka tin’wana. Loko hi ri karhi hi tolovelana ni valungu hi xiye leswaku ku na swilo swo tala leswi hi fanaka na vona ha swona. Hinkwerhu hi langutana ni swiphiqo leswi fanaka.

“Hi tlhele hi rhurhela va tekani van’wana va valungu ekaya ra hina lava tshameke nkarhi wo leha. Sweswo swi endle leswaku hi va tiva ku antswa. Hi ku famba ka nkarhi hi ve vanghana naswona se a hi tivona hi fana. Sweswo swi endle leswaku hi teka valungu lavan’wana va fana na hina.”

Sweswi i vanghana lavakulu

Johny na Gideon va xeweta vana ehandle ka Holo Ya Timbhoni Ta Yehovha.

Hambileswi Johny loyi a nga muntima na Gideon loyi a nga mulungu a va nga ri eka vandla rin’we ra tipolotiki va hetelele va ve vanghana lavakulu.

Hlalela vhidiyo leyi nge, Johny Na Gideon: A Va Ri Valala Kambe Sweswi I Vanghana. Secha vhidiyo leyi eka jw.org/ts.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela