Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • g21 No. 2 matl. 13-15
  • Thekinoloji Yi Byi Khumba Njhani Vuswikoti Bya Wena Byo Ehleketa?

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Thekinoloji Yi Byi Khumba Njhani Vuswikoti Bya Wena Byo Ehleketa?
  • Xalamuka!—2021
  • Swihloko
  • Tinhlokomhaka Tin'wana Leti Yelana Na Yona
  • LESWI U FANELEKE U SWI TIVA
  • LESWI U NGA SWI ENDLAKA
  • Ndlela Leyinene Yo Tirhisa Foni
    Leswi Nga Pfunaka Ndyangu
  • Ntikelo Wa Ku Tinyika Nkarhi Wa Ku Va Wexe
    Xalamuka!—1998
  • Tirhisa Thekinoloji Hi Ku Anakanyela Van’wana Naswona U Nga Tlangisi Mali
    Xalamuka!—2009
  • Mayelana Ni Magazini Lowu
    Xalamuka!—2021
Vona Swo Tala
Xalamuka!—2021
g21 No. 2 matl. 13-15
Wanuna a ri karhi a hlalela vhidiyo loko hi hala tlhelo a ri karhi a sweka.

Hi Swihi Swiphiqo Leswi Thekinoloji Yi Nga Swi Vangaka Eka Vuswikoti Bya Wena Byo Ehleketa?

Vanhu va tshama va ri eku dyondzeni, ku nga ha va swa xikolo, swa ntirho kumbe swin’wana. Thekinoloji yi nga pfuna. A swi si tshama swi olova hi ndlela leyi ematin’wini ku kuma rungula ro tala hi ndlela leyi, laha u nga bohekiki ku huma ekaya ka wena kumbe hambi ku ri ku suka laha u nga tshama kona.

Hambiswiritano, vo tala lava yi tirhisaka ngopfu thekinoloji va kuma leswaku . . .

  • swa va tikela ku dzikisa miehleketo loko va ri karhi va hlaya.

  • swa va tikela ku dzikisa miehleketo eka ntirho wun’we.

  • va hatla va phirheka loko va ri voxe.

LESWI U FANELEKE U SWI TIVA

N’wanyana a ri karhi a endla mitirho yo tala. U thayipa rungula eka foni yakwe, u bula hi vhidiyo ni vanghana, u tirhisa khompyuta a tlhela a va ni buku yo hlaya.

KU HLAYA

Hakanyingi vanhu lava tirhisaka switirhisiwa swa thekinoloji mikarhi yin’wana va hatla va hlaya rungula leswaku va ta kuma mongo wa kona.

I swinene ku hundzisa matihlo loko u lava ku hatla u kuma nhlamulo ya xivutiso xo karhi. Hambiswiritano, sweswo swi nga endla u nga twisisi loko u fanele u dzika eka mhaka yo karhi.

MHAKA YO ANAKANYISISA HI YONA: Xana u ni vuswikoti byo fikela kwihi byo hlaya rungula ro leha? Xana ku endla tano swi nga yi antswisa njhani ndlela leyi u hlayaka ha yona?—SWIVURISO 18:15.

KU DZIKISA MIEHLEKETO

Vanhu van’wana va tibyela leswaku thekinoloji yi va endla va kota ku endla swilo swimbirhi hi nkarhi wun’we, hi xikombiso, va rhumela vanghana marungula loko hi hala tlhelo va ri karhi va hlaya. Kambe loko va endla swilo swimbirhi hi nkarhi wun’we, va nge swi endli kahle, ngopfungopfu loko haswimbirhi swi lava ku dzikisa miehleketo.

Hambileswi swi tikaka ku dzikisa miehleketo ni ku papalata swikavanyeto, swi ta ku pfuna ku dyondza. Muntshwa la vuriwaka Grace u ri: “U endla swihoxo switsongo naswona a wu vi na ntshikilelo lowukulu. Ndzi dyondze leswaku swa antswa ku dzikisa miehleketo eka nchumu wun’we hi nkarhi wo karhi ni ku papalata ku endla mitirho yo tala hi nkarhi wun’we.”

MHAKA YO ANAKANYISISA HI YONA: Xana ku endla swilo swo tala hi nkarhi wun’we swi endla leswaku u nga twisisi ni ku tsundzuka leswi u swi hlayaka?—SWIVURISO 17:24.

LOKO U RI WEXE

Vanhu van’wana a va tshunxeki loko va ri voxe endhawini leyi ku miyeleke, kutani va tirhisa thekinoloji leswaku va tihungasa. Wansati loyi a vuriwaka Olivia u ri: “Ndza phirheka loko ndzi tshama timinete ta 15 ndzi nga languti foni ya mina, tablet kumbe ku lumeka TV.”

Hambiswiritano, loko munhu a ri yexe u va ni nkarhi wa nkoka wo anakanyisisa, ku nga xiphemu xa nkoka xo dyondza, eka vantshwa ni vanhu lavakulu.

MHAKA YO ANAKANYISISA HI YONA: Xana u kota ku wu tirhisa kahle nkarhi lowu u vaka u ri wexe?—1 TIMOTIYA 4:15.

LESWI U NGA SWI ENDLAKA

KAMBISISA NDLELA LEYI U YI TIRHISAKA HA YONA THEKINOLOJI

U nga yi tirhisa hi tindlela tihi thekinoloji leswaku u antswisa vuswikoti bya wena byo ehleketa? Xana ndlela leyi u yi tirhisaka ha yona thekinoloji yi nga byi khumba njhani vuswikoti bya wena byo dzikisa miehleketo ni ku dyondza?

NSINYA WA NAWU WA LE BIBELENI: “Hlayisa vutlhari ni vuswikoti byo ehleketa.”—SWIVURISO 3:21.

TIVUTISE . . .

  • Xana swa ndzi tikela ku dzikisa miehleketo loko ndzi hlaya rungula ro leha eka foni? Loko swi ri tano, xana i yini leswi talaka ku ndzi kavanyeta?

  • Hi swihi swilo leswi ndzi nga swi endlaka ku hunguta hambi ku ri ku susa swilo sweswo leswi ndzi kavanyetaka?

Xiringanyeto: Rhanga hi ku hlaya swiphemu swo koma kutani u ya u engetela. Hlayela ehenhla, u nga bi pongo leswaku u ta kota ku dzikisa miehleketo ya wena eka rungula.

  • Ndzi nga antswisa kwihi leswaku ndzi ta va na nkarhi lowu ringaneke wo anakanyisisa hi leswi ndzi swi hlayeke?

Xiringanyeto: Tirhisa timinete to hetelela ta khume ta nkarhi wa wena wo hlaya u pfuxeta leswi u swi dyondzeke.

  • Hi rini laha ndzi talaka ku endla swilo swo tala hi nkarhi wun’we?

  • I ku cinca kwihi loko ndzi nga ku endlaka leswaku ndzi ta kota ku dzikisa miehleketo ya mina eka nchumu wun’we?

Xiringanyeto: Loko u ri karhi u hlaya, vekela swilo leswi nga ta ku kavanyeta ekule leswaku u nga titwi u lava ku endla swilo swo tala.

NSINYA WA NAWU WA LE BIBELENI: “Kuma vutlhari, kuma ku twisisa.”—SWIVURISO 4:5.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela