“Rirhandzu Leri Kreste A Nga Na Rona Ra Hi Susumeta”

I yini lexi hi susumetaka leswaku hi hambeta hi landzela Yesu? Muapostola Pawulo u hlamula a ku: “Rirhandzu leri Kreste a nga na rona ra hi susumeta.” (2 Vakorinto 5:14) Eka xiyenge lexi hi ta dyondza hi ndlela leyi Yesu a rhandzaka ha yona—Yehovha, vanhu ni un’wana ni un’wana wa hina. Hakunene dyondzo leyi yi ta hi susumeta. Timbilu ta hina ta khumbeka naswona hi susumeteleka ku endla swo karhi, hi hambeta hi landzela xikombiso xa N’wini wa hina.