Xiyenge 1

Vafana Ni Vanhwanyana

U vona mufana ni nhwanyana va ri karhi va tifambela, va khomane hi mavoko hi nkarhi wo wisa exikolweni. Xana u titwa njhani?

□ A swi ndzi tovi helo

□ Ndza swi navelanyana

□ Ndzi swi navela ngopfu

Mi le ku hlaleleni ka filimi yo karhi ni vanghana va wena kutani u xiya leswaku un’wana ni un’wana u tshame ni ntombhi kumbe jaha ra yena—hi wena ntsena u ngo va wexe! Xana u titwa njhani?

□ A swi ndzi tovi helo

□ Ndzi khomiwanyana hi tingana

□ Ndzi swi navela ngopfu

Munghana wa wena lonkulu u vone ntombhi kumbe jaha ro karhi naswona se va rhandzana. Xana u titwa njhani?

□ Ndzi tsakile

□ Ndzi ni mavondzonyana

□ Swi ndzi nyangatsa ngopfu

Kun’wana ni kun’wana laha u langutaka kona u vona mufana a yime ni nhwanyana—ku nga ha va exikolweni, exitarateni kumbe eswitolo. Nkarhi na nkarhi loko u va vona, u navela onge na wena u nga va ni wa wena. Kambe, xana u swi lunghekerile ku rhandzana ni munhu? Loko u swi lunghekerile, u nga n’wi kuma njhani loyi mi fanelanaka? Naswona loko se u n’wi kumile, u nga endla njhani leswaku vuxaka bya n’wina byi tshama byi basile loko mi ri karhi mi rhandzana? Tindzima 1-5 ti ta ku pfuna leswaku u hlamula swivutiso sweswo.

[Xifaniso lexi tataka tluka hinkwaro lexi nga eka tluka 12, 13]