KU TLHELELA EKA LAVA KOMBISEKE KU TSAKELA
DYONDZO 9
Vana Ni Ntwelavusiwana
Nsinya wa nawu: “Tsakani ni lava tsakaka; mi rila ni lava rilaka.”—Rhom. 12:15.
Leswi Yesu A Swi Endleke
1. Hlalelani VHIDIYO, kumbe mi hlaya Marka 6:30-34. Kutani mi hlamula swivutiso leswi landzelaka:
Hikwalahokayini Yesu ni vaapostola vakwe a va lava ku va “laha ku nga riki na vanhu”?
I yini lexi endleke leswaku Yesu a dyondzisa ntshungu?
Hi Dyondza Yini Eka Yesu?
2. Hi lava ku chumayela vanhu mahungu lamanene ni ku tlhela hi lava ku va pfuna.
Tekelela Yesu
3. Yingisela hi vurhonwana. N’wi pfumelele a ku byela ndlela leyi a titwaka hayona. U nga n’wi kavanyeti kumbe u hatla u yi ba hi makatla ndlela leyi a titwaka hayona, leswi n’wi vilerisaka kumbe ndlela leyi a angulaka hayona. Loko u n’wi yingisela hi vurhonwana, u n’wi komba leswaku wa khathala hi yena.
4. Ehleketa hi munhu loyi a kombiseke ku tsakela. Hi ku fambisana ni mabulo lawa u nga ta va na wona na yena, tivutise:
‘Hikwalahokayini a fanele a twa ntiyiso?’
‘Ku hlaya Bibele swi nga endla njhani leswaku vutomi byakwe bya siku ni siku ni vumundzuku byakwe swi antswa?’
5. Vulavula hi rungula leri nga ta n’wi pfuna. To ho suka, kombisa ndlela leyi dyondzo ya Bibele yi nga ta hlamula swivutiso swakwe ni ndlela leyi yi nga ta n’wi pfuna hayona hi tindlela to karhi.