Mhaka Leyi Ha Yona U Faneleke Ku Va Kona Eka Ntsombano Wa Muganga Wa “Ku Chava Xikwembu”

Masiku manharhu lama vuyerisaka ya vuleteri bya Bibele ma ku rindzerile eka Ntsombano Wa Muganga Wa “Ku Chava Xikwembu” wa Timbhoni ta Yehova en’hwetini leyi. Hi ku tirhisa tinkulumo leti letelaka ni ku vulavurisana ni drama, vukongomisi lebyikulu bya Bibele byi ta nyikeriwa. Vana kona hi 9:50 hi mixo wa siku ro sungula loko ntsombano wu sungula hi ku nyikela vuyimbeleri.

Nongonoko wa siku ro sungula wu ta kombisa nkulumo leyi nge “Papalata Marito Lama Khunguvanyisaka” ni nkulumo leyi nga ni ntikelo ehenhleni ka masungulo ya dyondzo ya Vunharhu-un’we. Ni ndzhenga, vatswari va ta tsundzuxiwa ku amukela vutihlamuleri bya vona lebyinene byo lunghiselela vana va vona ndzhaka ya moya. Endzhaku, vantshwa va ta khutaziwa ku endla Kriste xikombiso xa vona ni ku endla ntiyiso wu va wa vona. Nongonoko wa siku wu ta gimeta hi bulo ra malunghiselelo lamanene lama endliwaka ngopfu-ngopfu ku pfuna vantshwa.

Siku ra vumbirhi ri ta va siku rin’wana leri taleke hi vuleteri leri nga ta kombisa ku khuvuriwa ni mixo ni tinkulumo leti lulameriwaka hi ku xiyiwa ta ni ndzhenga ehenhleni ka Huvo leyi Fumaka ya Vukriste ni ndlela leyi ha yona hi nga tirhisanaka na yona namuntlha. Nongonoko wa ni ndzhenga wu ta gimeta hi nkulumo ya nkoka leyi nge “Bibele—I Rito Ra Xikwembu Kumbe I Ra Munhu?”

Hi mixo wa siku ro hetelela, vuleteri lebyi nga enkarhini byi ta tsundzuxa ehenhleni ka ku lwisana ni “Munhu wa ku homboloka” ni ku hambuka etimhakeni ta swakudya ni swakunwa, ku tilunghisa ni ku tihungasa. (2 Vatesalonika 2:3) Leswi swi ta landzeriwa hi drama ya manguva lawa leyi kandziyisaka nkoka wa ku titsongahata ka hina eka Xikwembu. Endzhaku ka sweswo, u nge swi lavi ku kayela nkulumo ya le rivaleni leyi nge, “Ku Kutsuriwa Ku Le Kusuhi Eka Vanhu Lava Chavaka Xikwembu!”

Hi December, mintsombano leyi tlulaka 16 yi kunguhatiwile eAfrika Dzonga ntsena, kutani wun’wana wu nge vi kule ni kaya ra wena. Tihlanganise ni Timbhoni ta Yehova ta kwalaho leswaku u ta tiva nkarhi ni ndhawu leyi nga kusuhi na wena.

[Xifaniso lexi nga eka tluka 32]

Ntsombano wa muganga eVerona, Italy