‘Ti Vulavula Hi Vunene Ni Rirhandzu’

EMALEMBENI ya sweswinyana, Timbhoni ta Yehovha eFurwa ti hehliwile swinene. Vakaneti va tona va tirhise rungula leri kanganyisaka ni mavun’wa leswaku va ti hembela evanhwini. Eku sunguleni ka 1999, Timbhoni ta Yehovha eFurwa hinkwaro ti hangalase 12 wa timiliyoni ta xiphephana lexi nge People of France, You Are Being Deceived! Eka xiphephana lexi, ti sole mavunwa lawa ti hehliwaka ha wona.

Endzhaku ka masiku ma nga ri mangani tsima leri ri hundzile, Nkul. Jean Bonhomme, loyi a nga dokodela tlhelo khale ka xirho xa Palamendhe, u tsale papila ra xisolo a ri kongomisa eka phepha-hungu ra kwalaho leswaku ri ri kandziyisa. U te: “Timbhoni ta Yehovha ti tala ku ta ekaya ra mina. Ti vulavula na mina hi vunene ni ku rhandzana ka vanhu hinkwavo. . . . A ti endzeli munhu hi nkani. Ti vulavula hi ku titsongahata naswona ti swi yingisa hi mbilu hinkwayo leswi ndzi swi solaka.”

Loko a vulavula hi langutelo ra moya ra Timbhoni ta Yehovha, Nkul. Bonhomme u te: “Timhaka tin’wana ta vona a ti nge vavisi munhu. Kasi hi hala tlhelo, timhaka tin’wana leti vuriwaka hi van’watipolitiki van’wana ti vanga nxungeto lowukulu eka ku rhula ka vaaki ni ku twanana ka vanhu.”