Landzelela Ku Tsakela Hi Vutlharhi eNkarhini Wo Wisa

¹ December i n’hweti leyi eka yona vunyingi bya lava tsakelaka rungula ra hina va nga ta va va khomekile hi mintirho ya masiku yo wisa. Hikwalaho, loko hi landzelela ku tsakela, hi fanele hi va ni vutlharhi naswona nkarhi wun’wana hi lunghekela ku hatla hi nghena emhakeni, handle ka loko n’wini wa muti a vonaka a swi tsakela leswaku hi bula nkarhinyana.

² A Hi Anakanyeni Hi Leswi Hi Nga Ta Swi Vula Ka Ha Ri eMahlweni: Nkarhi hinkwawo hi fanele hi swi tiva kahle leswi hi nga ta swi vula. Leswi swi lava hi languta eka tinhla leti hi nga ti tsala eka riendzo ra nkarhi lowu hundzeke ni ku tsundzuka tinhla leti hlanganisiweke eka bulo rero ni xivutiso xihi na xihi lexi nga hlamuriwangiki lexi siyiweke ni n’wini wa muti.

³ Loko hi tirhise xiringanyeto xa le ka ndzimana 3 eka xihloko lexi nga la henhla, loko hi vuyela hi nga ha ku:

◼ “Enkarhini lowu wa lembe, vanhu vo tala va ehleketa hi ku velekiwa ka Kreste. Nkarhi lowu hundzeke loko hi vulavula, ndzi tshembise leswaku ndzi ta ku chumbutela yinhla leyi tsakisaka mayelana ni doroba leri Yesu a velekeriweke ka rona. Xana a wu swi tiva leswaku Bibele yi vhumbhe ka ha sele 700 wa malembe, leswaku Yesu u ta velekeriwa eBetlehema?” Yimela nhlamulo. Kutani endzhaku ko hlaya Mikiya 5:2, u nga ha ku: “I vuprofeta lebyi hlamarisaka, a swi tano ke? Tanihi leswi lowu ku nga ntiyiso lowu tsakisaka wa Bibele, xana a wu swi tiva leswaku vuprofeta bya Bibele bya hetiseka ni le sikwini ra hina?” Loko munhu a ri ni nkarhi hi nga yisa bulo emahlweni, kumbe loko a khomekile, hi nga ha hlela ku tlhela hi vuya hi ta ya emahlweni hi bula na yena.

⁴ Loko hi siye xiphephana lexi nge “Vutomi eMisaveni Leyintshwa Ya Ku Rhula” hi nga ha vula leswi:

◼ “Xiya leswi vuriwaka eka tluka 3, ehansi ka xihlokwana lexi nge ‘Vutomi eMisaveni Leyintshwa Ya Xikwembu.’ Leswi swi komba swiyimo leswi nga ta va kona ehansi ka Mfumo wa Xikwembu. [Langutani ndzimana yo sungula ni ya vumbirhi, u kandziyisa matsalwa man’wana.] Xana u nga swi tsakela ku va ni vutomi byo tano?” Byela n’wini wa muti leswaku u nga tsakela ku tlhela u vuya vhiki leri landzelaka, mi ta bula hi tinhla tin’wana ti nga ri tingani leti nga exiphephanini. Loko n’wini wa muti a nga si va na yona buku leyi nge Nghwazi, komba ndlela leyi ndzima 111 yi hlamuselaka hi vuenti ha yona malunghana ni xikombiso lexi Yesu a xi nyikeke lexi a xi ta fungha makumu ya mafambiselo lawa yo biha ya swilo. N’wi fambisele buku.

⁵ Ku Endla Nyiko Ya Dyondzo Ya Bibele: Loko hi siya buku leyi nge Nghwazi eka n’wini wa muti kumbe loko se a ri na yona, swi nga va swinene ku kombisa dyondzo ya Bibele hi ku tirhisa ndzima 111. Hi nga tirhisa maendlelo yo fana ni lama tirhisiwaka eka Dyondzo ya Buku ya Vandlha. Loko dyondzo yi endla nhluvuko, hi nga cinca hi dyondza broxara yo karhi kumbe hi nghena hi ku kongoma ebukwini leyi nge Hanya Hi Masiku.

⁶ A hi lunghekeni nkarhi hinkwawo leswaku hi landzelela ku tsakela hinkwako. Hi fanele hi va ni vutlharhi naswona nkarhi hinkwawo hi lwela ku pfula ndlela ya riendzo ra nkarhi lowu taka hi ku tlakusa swivutiso leswi tsakisaka eku heleni ka bulo rin’wana ni rin’wana. Leswi swi ta hi pfuna leswaku hi “tilulamisela ku endla ntirho wun’wana ni wun’wana lowunene.”—2 Tim. 3:17.