Nongonoko Lowuntshwa Wa Nhlengeletano Ya Xifundzha

¹ Hi ku landza marito ya Yesu eka Matewu 6:​33, Vakreste va ntiyiso nkarhi hinkwawo va rhangisa Mfumo evuton’wini bya vona. Hikwalaho, “Hambetani Mi Tilavela Mfumo Ku Sungula” i nhloko-mhaka leyi fanelaka ya nongonoko wa nhlengeletano ya xifundzha lowu nga ta sungula hi September 1993.

² Ku sukela eku sunguleni nongonoko wu ta kandziyisa vukona bya Mfumo, wu kandziyisa leswaku i hulumendhe leyi tirhaka leyi nga ni xivandla, valawuri, vafumiwa ni milawu. Entiyisweni, milawu yo tala ya tihulumendhe ta vanhu leyi pfunaka vanhu namuntlha yi tekiwa eka milawu ya Bibele.

³ Ku ta kambisisiwa nsirhelelo ni mikateko leyi hi yi kumaka hi ku rhangisa Mfumo eka swilo hinkwaswo swa vutomi bya hina. Ku ta nyikeriwa ndzayo leyi pfunaka eka ndlela leyi hi nga papalataka ku vilela loku nga fanelangiki ha yona. Tinkulumo, minkombiso ni mabulo swi ta kombisa mhaka leyi swi nga swa nkoka swinene ha yona ku hlayisa tihlo ra hina ri ri rinene.

⁴ Hi Mugqivela wa nhlengeletano, lava fanelekaka ku ya enkhuvulweni va ta vula ku tinyiketela ka vona eka Yehovha erivaleni. Kutani hi Sonto, hinkwerhu hi fanele hi va kona eka nkulumo ya le rivaleni, leyi nge “Leswi Mfumo Wa Xikwembu Wu Nga Ta Swi Endlela Vanhu.”

⁵ Tiyiseka leswaku u kunguhata ku va kona masiku hamambirhi ya nhlengeletano ya xifundzha. Nongonoko wa nhlengeletano, swin’we ni ku hlangana ko tsakisa ka vumakwerhu, swi ta nyika xikhutazo lexi tiyisaka ni lexi khutazaka lexi xi nga fanelangiki xi hundza ni un’we wa hina.