Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • km 1/01 tl. 4
  • Vana Muendli La Tsakeke

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Vana Muendli La Tsakeke
  • Vutirheli Bya Hina Bya Mfumo—2001
  • Tinhlokomhaka Tin'wana Leti Yelana Na Yona
  • “Vaendli Va Rito” Lava Tsakeke
    Xihondzo xo Rindza Xi Huwelela Mfumo Wa Yehovha—1995
  • Vanhu Lava Tsakeke—Ha Yini?
    Xihondzo xo Rindza Xi Huwelela Mfumo Wa Yehovha—1987
  • Ntsako Wa Yehovha I Khokholo Ra Hina
    Xihondzo xo Rindza Xi Huwelela Mfumo Wa Yehovha—1995
  • Ntsako​—⁠Mfanelo Leyi Humaka Eka Xikwembu
    Xihondzo xo Rindza Xi Huwelela Mfumo Wa Yehovha (Nkandziyiso Wa Vandlha)—2018
Vona Swo Tala
Vutirheli Bya Hina Bya Mfumo—2001
km 1/01 tl. 4

Vana Muendli La Tsakeke

1 Yesu u vule leswaku hi nkarhi wa vukona bya yena vanhu vo tala a va nga ta ‘lemuka nchumu,’ hilaha a swi ri hakona esikwini ra Nowa. (Mat. 24:37-39) Kutani swi le rivaleni leswaku vanhu vo tala a va nge ma yingisi mahungu lamanene ya Mfumo. I yini lexi nga hi pfunaka leswaku hi tshama hi tsakile loko hi ri karhi hi hetisisa vutirheli bya hina?—Ps. 100:2.

2 Xo sungula, hi fanele hi nga rivali leswaku rungula ra hina ni xileriso lexi hi nyikiweke xona xa ku chumayela swi huma eka Xikwembu. Loko vanhu va nga anguli kahle evutirhelini, ku nga khathariseki matshalatshala ya hina lamanene, entiyisweni va ala Yehovha. Ku tsundzuka leswaku yena wa tsaka loko hi tshembeka eku chumayeleni, swi ta hi pfuna leswaku hi tshama hi ri lava tsakeke ni ku titwa hi enerisekile tanihi vaendli va rito ra Xikwembu.—Yak. 1:25.

3 Xa vumbirhi, ka ha ri ni vanhu lava nga ta amukela ndlela ya Yehovha ya ku ponisa. Hambiloko vunyingi byi nga kombisi ku tsakela, ka ha ri ni lava fanaka ni tinyimpfu lava ha faneleke va hlengeletiwa ni sweswi, enkarhini wa makumu. Hi fanele ku hambeta hi chumayela, hi ya “emutini kumbe eximutanini xin’wana ni xin’wana,” leswaku hi ‘lavisisa lava swi va fanelaka.’—Mat. 10:11-13.

4 Tshama U Ri Ni Langutelo Lerinene: Rhekhodo yo biha ya vukhongeri bya mavunwa yi endle leswaku vanhu van’wana va heleriwa hi ntshembo. Van’wana va “vavisiwile ni ku tsalangana” hi mafambiselo lawa ya swilo. (Mat. 9:36) Vo tala va nga ha va va tsanisiwe hi ku pfumaleka ka mintirho, nkhathalelo wa rihanyo ni vuhlayiseki. Ku twisisa swiyimo swa vanhu lava swi ta hi pfuna leswaku hi tiyisela entirhweni wa hina. Lwela ku pfuxa mabulo lama khumbaka timhaka leti vanhu va nsimu ya ka n’wina va khumbekeke swinene ha tona. Va pfune va vona leswaku Mfumo wa Xikwembu hi wona ntsena ntlhantlho wa swiphiqo leswi. Tirhisa Matsalwa ni tinhla leti kongomeke leti nga etibukwini leswaku u fikelela timbilu ta vona hi mahungu lamanene.—Hev. 4:12.

5 Minkarhi hinkwayo vaendli va rito ra Xikwembu lava tsakeke va tsundzuka leswi: “Ntsako wa Yehovha i khokholo ra [hina].” (Neh. 8:10) A xi kona xilaveko xa leswaku hi lahlekeriwa hi ntsako. “Loko yindlu ya kona swi yi fanela, ku rhula loku mi yi navelelaka kona a ku ve eka yona; kambe loko swi nga yi faneli, ku rhula ka n’wina a ku tlhelele eka n’wina.” (Mat. 10:13) Loko hi ri karhi hi tiyisela hi ku lehisa mbilu entirhweni wakwe wo kwetsima, Yehovha u pfuxeta ntsako ni matimba ya hina naswona u katekisa ku tshembeka ka hina.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela