Leswi U Nga Swi Vulaka Hi Timagazini

Xalamuka! Sept. 8

“Tanihi leswi u swi xiyeke, vantshwa va tala ku hlaseriwa hi ntshikilelo swinene. Hikwalaho ka yini va hlaseriwa? Xana va nga pfuniwa hi ndlela yihi? Ndzi ni ntshembo wa leswaku u ta kuma magazini lowu wu tsakisa ku wu hlaya, ngopfu-ngopfu loko u ri mutswari la karhatekeke.”

Xihondzo xo Rindza Sept. 15

“Swi vonaka onge vukhongeri byin’wana ni byin’wana byi ni varhandzi va ntiyiso. Kambe, hi ntolovelo vukhongeri hi byona byi avanyisaka vanhu. I yini lexi nga hlanganisaka vanhu va timbilu leti tshembekeke? [Endzhaku ka loko a hlamurile, hlaya Sofaniya 3:9.] Magazini lowu wu kombisa ndlela leyi ku tiva Xikwembu xa ntiyiso ku nga hlanganisaka vanhu hinkwako-kwako.”

Xihondzo xo Rindza Oct. 1

“Ndza tshemba wa pfumela leswaku a ka ha vulavuriwi ngopfu hi ripfumelo naswona a va talanga vanhu lava lavaka ku bula hi rona. Xana sweswo swi vangiwa hi yini? [Endzhaku ka loko a hlamurile, hlaya Vaheveru 11:1.] Magazini lowu wu hlamusela leswi ripfumelo ra xiviri ri vulaka swona ni leswaku ha yini ri ri ra nkoka ku nga khathariseki leswaku hi na rona kumbe a hi na rona.”

Xalamuka! Oct. 8

“Ndza tshemba u karhatekile hi ku andza ka vubihi endhawini ya ka hina. Xana u tshama u tivutisa leswaku hikwalaho ka yini Xikwembu xi pfumelele vubihi lebyi? Hikwalaho ka yini xi nga hatlanga xi teka goza ra ku byi herisa? [N’wi nyike nkarhi wa ku hlamula.] Xihloko lexi nge “Xikwembu Xi Lehisa Mbilu Ku Fikela Kwihi?” eka magazini lowu xi ta nyika nhlamuselo ya Bibele xi tlhela xi komba ntlhantlho wa xiviri wa xiphiqo lexi.”