Leswi U Nga Swi Vulaka Hi Timagazini

Xihondzo xo Rindza Sept. 15

“Vanhu va timiliyoni va kholwa leswaku ‘vakwetsimi’ va ni matimba yo hlawuleka naswona i swinene ku khongela hi vito ra vona. Xana wena u ri yini ha swona? [Yimela nhlamulo.] Xiya leswi Yesu Kreste a swi vuleke. [Hlaya Yohane 14:6.] Leswi swi endla leswaku van’wana va tivutisa swo tala malunghana ni ku khongela hi vito ra ‘vakwetsimi.’ Nkandziyiso lowu wa Xihondzo xo Rindza wu hlamusela mhaka yoleyo ya nkoka.”

Xihondzo xo Rindza Oct. 1

“Vo tala va tivutisa loko maxangu hinkwawo lama hi rhendzeleke ma ta kala ma hela—ku nga tinyimpi, vugevenga ni swiendlo swin’wana leswi tsemaka nhlana. Xana wena u ehleketa yini? [Yimela nhlamulo.] Bibele yi hi nyika xitiyisekiso lexi, lexi chavelelaka. [Hlaya Pisalema 37:10, 11.] Magazini lowu wu hlamusela leswaku ha yini Xikwembu xi nga si herisa vubihi ni maxangu lama byi ma vangaka.”

Xalamuka! Oct. 8

“Vo tala namuntlha va karhateka malunghana ni vutherorisi ku katsa ni ku tirhisiwa ka matlhari ya switsongwatsongwana. Xana u anakanya leswaku mimfumo ya vanhu yi nga swi kota ku herisa vutherorisi emisaveni? [Yimela nhlamulo.] Bibele yi kombisa leswi Xikwembu xi tiyimiseleke ku swi endla. [Hlaya Ezekiyele 34:28.] Magazini lowu wa Xalamuka! wu hlamusela tin’wana ta timhaka leti katsekaka.”

Xingheniso xin’wana: “Namuntlha ku vonaka ku ri ni ku andza lokukulu ka nhlayo ya mindyangu leyi nga ni mutswari un’we. Bibele yi kombisa leswaku Muvumbi wa hina wa khathala ha yona. [Hlaya Pisalema 146:9.] Nkandziyiso lowu wa Xalamuka! wu kombisa ndlela leyi misinya ya milawu ya Bibele yi nga va pfunaka ha yona vatswari lava nga voxe leswaku va kurisa vana va vona hi ndlela leyi humelelaka.”