Leswi Hi Nga Swi Vulaka Hi Timagazini

Xihondzo xo Rindza Sept. 15

“Vanhu va timiliyoni va vula marito lawa lama tolovelekeke eswikhongelweni swa vona. [Hlaya Matewu 6:10.] Xana u anakanya leswaku vutomi a byi ta va byi ri njhani loko a ku endliwa ku rhandza ka Xikwembu hilaha ku heleleke emisaveni? [Yimela nhlamulo.] Magazini lowu wu hlamusela leswi xiyenge xin’wana ni xin’wana xa Xikhongelo xa Hosi xi vulaka swona, ku katsa ni xiyenge lexi ha ha ku xi hlayaka sweswi.”

Xihondzo xo Rindza Oct. 1

“Hinkwerhu ka hina hi navela ku vona ku herisiwa ka vugevenga, madzolonga ni nyimpi. Xana u anakanya leswaku hi ta kala hi ku vona ku hetiseka ka marito lawa? [Hlaya Pisalema 37:11. Kutani u yimela nhlamulo.] Magazini lowu wu hlamusela ndlela leyi xitshembiso lexi xi fambisanaka ha yona ni xikongomelo xo sungula xa Xikwembu mayelana ni vanhu ni ndlela leyi hi nga ta vuyeriwa ha yona.”

Xalamuka! Oct. 8

“Vanhu vo tala va khumbeka hi xiphiqo xa vantshwa lexi yaka xi andza, ku nga ku tipeta hi nhloko ebyaleni. Xana u tshame u twa hi ta xiphiqo lexi? [Yimela nhlamulo. Kutani u hlaya Swivuriso 20:1.] Ku tipeta hi nhloko ebyaleni ku hoxa vantshwa emakhombyeni yo tala. Xihloko lexi xi tamele rungula leri nga ta va pfuna ku lwisana ni ntshikilelo wo tirhisa xihoko hi ndlela yo biha.”

Xingheniso Xin’wana: “Xana a swi khomisi gome loko timiliyoni ta vantshwa lava nga tekiwangiki va tika lembe ni lembe? [Yimela nhlamulo.] Magazini lowu wu bula hi magoza lawa va nga ma tekaka leswaku va langutana ni mintlhontlho yo tala ya ku tika ka vantshwa. Wu tlhela wu hlamusela ndlela leyi vatswari va nga pfunaka vana va vona ku papalata xiphiqo lexi.” Hlaya 2 Timotiya 3:15.