Leswi Hi Nga Swi Vulaka Hi Timagazini

Xihondzo xo Rindza Sept. 15

Vula mahungu yo karhi ya sweswinyana lama karhateke vanhu endhawini ya kwalaho. Kutani u vutisa leswi: “Xana u vona onge ndzimana leyi ya Bibele yi yi hlamusela hi ndlela leyi yi nga xiswona minkarhi leyi hi hanyaka eka yona? [Hlaya 2 Timotiya 3:1, kutani u yimela nhlamulo.] Xihloko lexi xi nyika vumbhoni bya leswaku hi hanya emasikwini ya makumu xi tlhela xi kombisa leswi hi faneleke hi swi endla.”

Xalamuka! Sept.

“Vo tala va vona onge hi lo tumbuluxiwa. Van’wana va vona onge hi lo tiendlekela. Xana wena u swi vonisa ku yini? [Yimela nhlamulo.] Xiya xiringanyeto lexi, lexi nga hi pfunaka leswaku hi twisisa ntiyiso wa kona. [Hlaya Yobo 12:7, 8.] Nkandziyiso lowu wo hlawuleka wa Xalamuka! wu bula hi leswi hi nga swi dyondzaka eka xikongomelo ni vutlhari lebyi hi byi vonaka eka ntumbuluko.”

Xihondzo xo Rindza Oct. 1

“Lava dyondzeleke ta ntivo-vutomi va ringeta ku heta mavabyi ni ku endla leswaku munhu a hanya nkarhi wo lehanyana. Xana u ehleketa leswaku swi ta kala swi koteka leswaku hi hanya hilaha ku nga heriki? [Yimela nhlamulo.] Xiya xivangelo xa ku va hi navela ku hanya nkarhi wo leha. [Hlaya Eklesiasta 3:11.] Magazini lowu wu hlamusela xivangelo xa ku va Xikwembu xi hi tumbuluxe hi ri lava navelaka ku hanya hilaha ku nga heriki.”

Xalamuka! Oct.

“Vanhu vo tala va rhandza ku hlalela thelevhixini. Kambe, xana u ehleketa leswaku swi fanerile leswaku hi hlawula leswi hi swi hlalelaka? [Yimela nhlamulo. Kutani u hlaya Swivuriso 13:20.] Magazini lowu wu hlamusela ndlela leyi thelevhixini yi nga hi kucetelaka ha yona, yi tlhela yi nyika swiringanyeto swo lawula ndlela leyi hi yi hlalelaka ha yona.”