Leswi Hi Nga Swi Vulaka Hi Timagazini

Xihondzo xo Rindza Sept. 15

“Ndzi tsakela ku twa mavonelo ya wena eka leswi tsalwa leri ri swi vulaka. [Hlaya Deteronoma 32:4.] Xana u tshame u tivutisa leswaku ha yini ku ri ni ku xaniseka ni vubihi swonghasi emisaveni loko ku ri leswaku Xikwembu xi ni matimba hinkwawo naswona xi lulamile? [Yimela nhlamulo.] Magazini lowu wu hlamusela xivangelo xa ku va Xikwembu xi pfumelele vubihi byi hambeta byi va kona ku fikela namuntlha.”

Xalamuka! Sept.

“Vanhu vo tala va navela ku va ni rihanyo lerinene ni ku hanya nkarhi wo leha. Xana u ehleketa leswaku ku va ni langutelo lerinene swi nga antswisa rihanyo ra hina? [Yimela nhlamulo. Kutani u hlaya Swivuriso 17:22.] Xihloko lexi xi hlamusela xivangelo xo va swi ri swa nkoka ku hlakulela ku va ni langutelo lerinene.” N’wi kombe xihloko lexi nga eka tluka 26.

Xihondzo xo Rindza Oct. 1

“Xana u tshama u tibyela leswi, ‘Ndzi navela onge loko a ndzi lo endla swilo hi ndlela yin’wana!’? [Yimela nhlamulo.] Xiya leswi tsalwa leri ri swi vulaka malunghana ni leswi endlaka leswaku hinkwerhu minkarhi yin’wana hi hlawula swilo leswi hi tisolaka ha swona endzhaku ka nkarhi. [Hlaya Yeremiya 10:23.] Magazini lowu wu hlamusela ndlela leyi ndzayo leyi twisisekaka leyi kumekaka eBibeleni yi hi pfunaka ha yona leswaku hi hlawula hi ndlela leyinene.”

Xalamuka! Oct.

“Xana u ehleketa leswaku namuntlha vana va le khombyeni swinene ku tlula enkarhini lowu hundzuke? [Yimela nhlamulo.] Vanhu vo tala va vona onge hi hanya enkarhini lowu hlamuseriweke laha. [Hlaya 2 Timotiya 3:1-5.] Magazini lowu wu ni swiringanyeto swin’wana leswi tirhaka swa ndlela leyi vatswari va nga va sirhelelaka ha yona vana va vona leswaku va nga pfinyiwi.”