Leswi Hi Nga Swi Vulaka Loko Hi Fambisa Timagazini

Xinondzo Xo Rindza Sept. 1

“Xana u ehleketa leswaku hi nga wu kuma eka mani nkongomiso loko hi endla swiboho swa nkoka? [Yimela nhlamulo. Kutani u hlaya Swivuriso 3:5, 6.] Xihloko lexi xi kandziyisa leswaku i vutlhari ku kambisisa vuyelo lebyi nga ta va kona hi nga si endla swiboho.” N’wi kombe xihloko lexi nga eka tluka 8.

Xalamuka! Sept.

“Xana u vona onge Xikwembu hi xona xi endlaka leswaku vanhu va pfumala swakudya emisaveni namuntlha? [Yimela nhlamulo.] Xiya xikongomelo xa xona xo tlhantlha xiphiqo lexi. [Hlaya Pisalema 72:16.] Xihloko lexi xi hlamusela ndlela leyi Xikwembu xi nga ta yi vuyetela ha yona Paradeyisi emisaveni.” N’wi kombe xihloko lexi nga eka tluka 7.

Xinondzo Xo Rindza Oct. 1

“Eminkarhini leyi ya mangava, vanhu vo tala va karhateka hi vumundzuku. Xana i yini leswi nga ku pfunaka leswaku u tshama u ri ni ntshembo? [Yimela nhlamulo.] Vona leswi Bibele yi swi tshembisaka. [Hlaya Esaya 65:17.] Magazini lowu wu hlamusela swivangelo leswi twalaka leswi nga ku nyikaka ntshembo leswaku swilo swi ta cinca.”

Xalamuka! Oct.

“Internet ya pfuna, kambe yi ni khombo swinene eka vana. Xana u ehleketa leswaku hi nga va sirhelela njhani? [Yimela nhlamulo.] Ndzi kombela u xiya yinhla leyi. [Hlaya u tlhela u hlamusela Swivuriso 18:1.] Lowu i wun’wana wa milawu ya Bibele leyi kongomisaka leyi xihloko lexi xi yi kandziyisaka ku pfuna vatswari leswaku va sirhelela vana va vona.” N’wi kombe xihloko lexi nga eka tluka 8.