Leswi U Nga Swi Vulaka Hi Timagazini

Xihondzo xo Rindza Oct. 15

“I yini leswi nga endliwaka leswaku ku antswisiwa misava ni ku endla leswaku yi va ni ntsako? [Yimela nhlamulo.] Vanhu va ringete ku antswisa swilo hi ku simeka tihulumendhe to hambana-hambana. Kambe xiya vonelo ra Xikwembu hi mhaka leyi. [Hlaya Yeremiya 10:23.] Xihloko lexi xi boxa ‘Xilotlelo Xa Ku Ya eMisaveni Ya Ntsako,’ xi kombisa ndlela leyi sweswo swi nga ta endleka ha yona ku nga ri khale.”

Xihondzo xo Rindza Nov. 1

Endzhaku ko boxa mhaka leyi tsemaka nhlana, vutisa u ku: “Ha yini vanhu va endla swilo swo biha swonghasi? Hinkwerhu hi fanele hi tiva ku hambanisa leswinene eka leswo biha, kambe vanhu va ha endla swilo swo biha. Ha yini? [Endzhaku ka loko a hlamurile, hlaya Nhlavutelo 12:9.] Magazini lowu wu hlamusela ndlela leyi hi nga tisirhelelaka ha yona hi ku khathalela ripfalo ra hina.”

Xalamuka! Nov. 8

“Ndza tshemba wa pfumela leswaku hi hanya eminkarhini ya madzolonga. [Endzhaku ka loko a hlamurile, hlaya 2 Timotiya 3:3.] Hakanyingi ‘tihanyi’ ta vonaka hambi ku ri endyangwini. Xihloko lexi nge ‘Mpfuno Eka Vavasati Lava Xanisiwaka,’ xi tamele rungula leri nyikaka ntshembo. Ku nga ha va ku ri ni loyi u n’wi tivaka, loyi u nga avelanaka na yena rungula leri.”

Xingheniso Xin’wana: “Xana wa pfumela leswaku vanhu namuntlha va hanya ehansi ka ntshikilelo lowukulu ku tlula rini na rini? [Yimela nhlamulo.] Bibele yi vule leswi ka ha ri emahlweni. [Hlaya 2 Timotiya 3:1.] Vanhu vo tala va tikeriwa hi ku hanya lerova va heleriwa hi ntshembo. Magazini lowu wu nyika xikhutazo xa xiviri. Wu kombisa ndlela leyi gome ri nga hluriwaka ha yona ni ku endla leswaku vutomi byi va ni xikongomelo.”