Leswi Hi Nga Swi Vulaka Hi Timagazini

Xihondzo xo Rindza Oct. 15

“Vanhu vo tala va teka dyondzo yi ri xilotlelo xo humelela evuton’wini. Xana u ehleketa leswaku yi kona dyondzo leyi nga pfunaka munhu leswaku a kota ku hlula swiphiqo swa vutomi? [Yimela nhlamulo. Kutani u hlaya Varhoma 12:2.] Magazini lowu wu hlamusela ndlela leyi hi nga yi kumaka ha yona dyondzo leyinene ngopfu.”

Xihondzo xo Rindza Nov. 1

“Vanhu vo tala va karhatiwa hi ku pfumaleka ka vululami emisaveni. Xana u ehleketa leswaku u kona loyi hakunene a nga cincaka misava? [Yimela nhlamulo.] Magazini lowu wu hlamusela swihinga leswi faneleke swi susiwa leswaku misava yi ta cinca. Wu tlhela wu komba leswaku i mani la nga kotaka ku swi susa ni ndlela leyi a nga ta tisa ku rhula ka xiviri ni nsirhelelo emisaveni ha yona.” Hlaya Pisalema 72:12-14.

Xalamuka! Nov. 8

“Vanhu vo tala va tsakela ku hlaya phepha-hungu masiku hinkwawo. Xana u ehleketa leswaku hi nga ri tshemba rungula leri hi ri hlayaka eka maphepha-hungu? [Yimela nhlamulo.] Nkandziyiso lowu wa Xalamuka! wu nyikela swiringanyeto swa ndlela leyi hi nga vuyeriwaka ha yona loko hi hlaya phepha-hungu. Wu tlhela wu komba leswaku hikwalaho ka yini hi fanele hi va ni vuxiyaxiya.” Hlaya Swivuriso 14:15.

Xingheniso Xin’wana: “Emisaveni hinkwayo ku ni ku hambana lokukulu exikarhi ka swifumi ni swisiwana. Xana u ehleketa leswaku xi kona lexi nga endliwaka leswaku ku herisiwa ku hambana loku? [Yimela nhlamulo. Kutani u hlaya Matewu 6:9, 10.] Magazini lowu wu komba leswaku ha yini hi nga tshembaka leswaku Mfumo wa Xikwembu wu ta susa xirhalanganya lexi karhataka vanhu namuntlha.”