Leswi U Nga Swi Vulaka Hi Timagazini

Xihondzo xo Rindza Oct. 15

“Xana u nga swi hlamusela njhani eka vana kumbe vanhu van’wana leswaku hikwalaho ka yini ku humelela swilo swo tala swonghasi leswi hombolokeke namuntlha? [Yimela nhlamulo.] Bibele yi hlamula xivutiso lexi nge, ‘Xana I Mani Loyi A Vangaka Vubihi Hinkwabyo?’ [Hlaya 1 Yohane 5:19.] Nkandziyiso lowu wa Xihondzo xo Rindza wu ta ku pfuna ku tiva leswaku munhu yoloye wo homboloka i mani ni leswaku hi nga lwisana njhani na yena.”

Xihondzo xo Rindza Nov. 1

“Vo tala exikarhi ka hina va ringeta ku hanyisana hi ku rhula ni van’wana. Kambe na wena u nga va u swi vona leswaku hakanyingi sweswo swa tika ku swi fikelela. [Yimela nhlamulo.] Bibele yi hlamusela xivangelo xa kona. [Hlaya Yakobo 3:2.] Xihloko lexi xi kombisa ndlela leyi ku kombela ku rivaleriwa swi nga pfunaka ha yona eku kondleteleni ka ku rhula.”

Xalamuka! Nov. 8

“Xana u anakanya leswaku swikhongelo swa varhangeri va vukhongeri kumbe swa vanhu van’wana swi nga kota ku tisa ku rhula emisaveni? [Yimela nhlamulo.] Bibele yi tshembisa leswaku ku ta va ni ku rhula emisaveni hinkwayo. [Hlaya Esaya 9:6, 7.] Xana u swi xiyile leswaku ku rhula ka misava hinkwayo ku ta tisiwa hi mufumi wo hlawuleka? Nkandziyiso lowu wa Xalamuka! wu hlamusela leswaku mufumi yoloye i mani ni leswaku u ta ku tisa njhani ku rhula ka ntiyiso.”

Xingheniso xin’wana: “Vuprofeta bya Bibele byi kombisa leswaku ku ta fika nkarhi lowu ku nga ta ka ku nga ha vi na munhu loyi a nga ta ku, ‘Ndza vabya.’ [Hlaya Esaya 33:24.] Xana sweswo a swi nge tsakisi? [Yimela nhlamulo.] Kambe vanhu namuntlha va hlaseriwa hi mavabyi yo tala, ku katsa ni ntungu wa AIDS. Nkandziyiso lowu wa Xalamuka! wu hlamula xivutiso lexi nge, Xana swi ta koteka ku herisa AIDS?”