Leswi Hi Nga Swi Vulaka Hi Timagazini

Xihondzo xo Rindza Oct. 15

“Vanhu vo tala va anakanya leswaku swa antswa ku hanyela ra namuntlha ntsena, hikuva swa mundzuku a swi tiviwi hi munhu. Xana wena u ri yini hi mhaka leyi? [Yimela nhlamulo.] Yesu u vule marito lawa lama tsakisaka. [Hlaya Matewu 6:34.] Magazini lowu wu hlamusela ndlela leyi hi nga byi lunghiselelaka ha yona vumundzuku kambe hi nkarhi lowu fanaka hi papalata ku karhateka ku tlula mpimo hi byona.”

Xalamuka! Oct.

“Hinkwerhu ka hina hi feriwe hi varhandziwa va hina. Xana u ehleketa leswaku va hi vona va ri le tilweni? [Yimela nhlamulo.] Xiya leswi Yesu a swi vuleke loko ku fe Lazaro. [Hlaya Yohane 11:11.] Xihloko lexi xi hlamusela loko vafi ku ri ni laha va hanyaka kona kumbe va etlele va rindzele ku pfuxiwa.” N’wi kombe xihloko lexi sungulaka eka tluka 28.

Xihondzo xo Rindza Nov. 1

“Xana u ehleketa leswaku misava yi nga va ndhawu leyinene loko vanhu vo antswisa ndlela leyi va titsongahataka ha yona? [Yimela nhlamulo.] Xiya leswi Yesu a swi vuleke malunghana ni mfanelo leyi. [Hlaya Matewu 23:12.] Xihloko lexi xi hlamusela nkoka wo hlakulela ku titsongahata, hambi ku ri emisaveni leyi vanhu va phikizanaka.”

Xalamuka! Nov.

“Eminkarhini leyi nga hundza, vanhu a va tala ku ya eBibeleni loko va lava nkongomiso. Kambe sweswi vo tala va vula leswaku a va yi tshembi Bibele. Xana wena u ri yini hi mhaka leyi? [Yimela nhlamulo. Kutani u hlaya 2 Timotiya 3:16.] Nkandziyiso lowu wo hlawuleka wa Xalamuka! wu nyikela vumbhoni lebyi tiyeke bya leswaku Bibele yi huhuteriwe hi Xikwembu.”