Leswi Hi Nga Swi Vulaka Hi Timagazini

Xihondzo xo Rindza Oct. 15

“Vanhu van’wana va tshemba leswaku loko va ri ni mali yo tala va ta hanya bya le ka byandlana. Xana swi tano hakunene? [Yimela nhlamulo.] Vona leswi tsariweke hi wanuna loyi a a fume ngopfu. [Hlaya Eklesiasta 5:10.] Magazini lowu wu hlamusela swilo swa risima leswi tlulaka rifuwo ra swilo leswi vonakaka.”

Xihondzo xo Rindza Nov. 1

“Vanhu vo tala a va na wona ntshembo wa leswaku varhangeri va ni vuswikoti byo tlhantlha swiphiqo leswi nga kona namuntlha. Xana u ehleketa leswaku u kona munhu loyi a nga kotaka ku endla leswi profetiweke eka tindzimana leti? [Hlaya Pisalema 72:7, 12, 16. Kutani u yimela nhlamulo.] Magazini lowu wu hlamusela leswaku i mani murhangeri loyi ku profetiweke ha yena laha ni leswi a nga ta swi hetisisa.”

Xalamuka! Nov. 8

“Vanhu vo tala va wu vona nkoka wo letela vana ku sukela evutsongwanini bya vona. Xana u vona ku ri ni xilaveko xexo namuntlha? [Yimela nhlamulo. Kutani u hlaya Swivuriso 22:6.] Nkandziyiso lowu wa Xalamuka! wu hlamusela swilo swo karhi leswi vatswari va nga swi endlaka leswaku va pfuna vana va vona va kula kahle, ivi loko va kurile swilo swi va fambela kahle evuton’wini.”

Xingheniso Xin’wana: “Ndza tshemba wa pfumela leswaku vana va lava nkongomiso leswaku va kota ku tiyisela swiyimo swo tika leswi va langutanaka naswona namuntlha, a swi tano ke? [Yimela nhlamulo. Kutani u hlaya Vaefesa 6:4.] Magazini lowu wu hlamusela leswi ndzetelo wa xiviri wu vulaka swona. Wu tlhela wu hlamusela ndlela leyi ha yona vatswari va nga kongomisaka ni ku tshinya vana va vona handle ko va dyisa mbitsi.”