Leswi Hi Nga Swi Vulaka Hi Timagazini

Xihondzo xo Rindza Oct. 15

“Swiboho swo tala leswi hi swi endlaka swi byi khumba swinene vutomi bya hina. I yini lexi xi nga hi pfunaka leswaku hi endla swiboho hi vutlhari? [Yimela nhlamulo. Kutani u hlaya Swivuriso 3:6.] Nkandziyiso lowu wa Xihondzo xo Rindza wu nyikela minkongomiso ya ntlhanu leyi sekeriweke eBibeleni, leyi yi nga hi pfunaka leswaku hi endla swiboho hi vutlhari.”

Xalamuka! Nov. 8

“Xana u swi xiyile leswaku se hi tshama hi ri karhi hi twa hi ta switsongwatsongwana leswi swi sihalalaka loko vanhu va tshunguriwa? [Yimela nhlamulo.] Magazini lowu wu kambisisa leswi swi vangaka leswi, wu tlhela wu nyikela swiringanyeto swa leswaku hi nga tisirhelela njhani. Wu tlhela wu hlamusela xitshembiso lexi nga eBibeleni xa misava leyi eka yona ku nga ta va ku ri hava munhu la vabyaka.” Hlaya Esaya 33:24.

Xihondzo xo Rindza Nov. 1

“Hinkwerhu ka hina hi tshame hi khomisiwa tingana hi mpimo wo karhi hi vanhu lava hi va tshembaka. Xana u tshame u tivutisa xivutiso lexi nge, ‘Xana u kona munhu loyi ndzi nga n’wi tshembaka?’ [Yimela nhlamulo. Kutani u hlaya Swivuriso 3:5.] Magazini lowu wu hlamusela leswaku ha yini hi fanele hi tshemba Xikwembu swinene. Wu tlhela wu hi hlamusela ndlela yo vona vanhu lava hi nga va tshembaka.”

Xalamuka! Nov. 8

“Swilo leswi endliweke hi oyili yimbisi swi byi khumba swinene vutomi bya hina. Xana u tshame u tivutisa leswaku vutomi a byi ta va byi ri njhani loko swilo leswi a swi nga ri kona? [Yimela nhlamulo.] Magazini lowu wu hlamusela ndlela leyi swi teke ha yona leswaku oyili yi famba emahlweni namuntlha. Nakambe yi hlamusela leswaku ha yini hi nga fanelanga hi chava leswaku oyili yi nga tshuka yi herile siku rin’wana.”