Leswi U Nga Swi Vulaka Hi Timagazini

Xihondzo xo Rindza nov. 15

“I ko tala hi twa vanhu va ku ‘Yesu u hi ferile.’ [Tshaha Yohane 3:16.] Xana a wu si tshama u tivutisa leswaku rifu ra munhu un’we ri nga swi kotisa ku yini ku hi ponisa hinkwerhu? [Yimela nhlamulo.] Bibele yi ni nhlamulo yo olova ya xivutiso lexi. Xihloko lexi nge ‘Yesu Wa Ponisa—Njhani?,’ xi yi veka erivaleni mhaka leyi.”

Xihondzo xo Rindza Dec. 1

“Hi nkarhi lowu wa lembe vanhu vo tala va khomeke ngopfu hi ku nyikana tinyiko ni hi swiendlo swin’wana swa tintswalo. Leswi swi hi tsundzuxa Nawu wa Nsuku. [Hlaya Matewu 7:12.] Xana u ehleketa leswaku swi nga koteka ku hanya hi nawu wolowo lembe hinkwaro? [Yimela nhlamulo.] Nhloko-mhaka leyi nge ‘Nawu Wa Nsuku—Xana Wa Ha Tirha?,’ eka magazini lowu, yi ni swo tala swo anakanyisisa hi swona.”

Xalamuka! Dec. 8

“Bibele yi tshembisa leswaku ku ta ta siku leri a nga riki kona ni un’we la nga ta vula a ku, ‘Ndza vabya.’ [Hlaya Esaya 33:24.] Hi ku pfumelelana ni xitshembiso xexo, Xalamuka! leyi yi vulavula hi vuvabyi lebyi xanisaka timiliyoni ta vanhu lavatsongo ni lavakulu. Yi ni nhloko-mhaka leyi nge ‘Ntshembo Wa Vanhu Lava Khomiweke Hi Vuvabyi Bya Mahlangano.’ Ndzi ni ntshembo wa leswaku u ta kuma swihloko leswi swi tamele rungula leri pfunaka.”

Xingheniso Xin’wana: “Xana vanhu va endla hinkwaswo leswi va nga swi kotaka ku va va hlayisa mbango? [Yimela nhlamulo.] Vo tala va tivutisa loko nkhathalelo lowu hlelekeke wa vutomi ni mbango emisaveni wu ta va kona hilaha ku nga heriki. Lexi tsakisaka, Xikwembu xi ta endla swo karhi hi mhaka leyi. [Hlaya Nehemiya 9:6.] Xalamuka! yi hlamusela leswi vutomi byi nga ta va xiswona enkarhini lowu taka emisaveni.”