Leswi U Nga Swi Vulaka Hi Timagazini

Xihondzo xo Rindza Dec. 15

“Enkarhini lowu wa lembe, vanhu vo tala va anakanya hi Yesu Kreste, ku nga khathariseki leswaku va pfumela eka yena kumbe a va pfumeli. Van’wana va vula leswaku a a nga ri munhu wa xiviri. Wena u ri yini? [Endzhaku ka loko a hlamurile, hlaya Matewu 16:15, 16.] Ndza tshemba u ta tsakela ku hlaya xihloko lexi vulavulaka hi ‘Yesu Wa Ntiyiso,’ leswaku u vona ndlela leyi a nga mpfuno ha yona eka wena namuntlha ni le nkarhini lowu taka.”

Xihondzo xo Rindza Jan. 1

“Xana u tshama u tivutisa leswaku ha yini vanhu van’wana va hanya bya le ka byandlana kambe van’wana va hanya hi rikoko ra xilondza? Xana a wu swi tiva leswaku Bibele yi ni rito emhakeni leyi? [Hlaya Yobo 34:19.] Magazini lowu wu hlamusela ndlela leyi Xikwembu xi nga ta herisa xihlawu-hlawu ha yona.”

Xalamuka! Jan. 8

“Xana wa pfumela leswaku swi nga koteka ku sirhelela vutomi bya hina, loko ho va ni mphakelo lowu sirhelelekeke ni lowu tshembekeke wa swakudya? [Yimela nhlamulo.] Twana leswi Xikwembu xi nga tshama xi swi tshembisa vanhu va xona eminkarhini ya Bibele. [Hlaya Levhitika 26:4, 5.] Xalamuka! leyi yi hlamusela swivilelo leswi nga kona namuntlha hi swakudya. Yi tlhela yi kombetela enkarhini lowu Xikwembu xi nga ta hi nyika nsirhelelo emisaveni hinkwayo.”

Xingheniso Xin’wana: “Hinkwerhu hi twile hi ta khombo leri tsemeke vanhu nhlana emisaveni hinkwayo. Ku sukela hi nkarhi wolowo, vanhu va lave nchavelelo lowukulu. Eka swin’wana leswi magazini lowu wu swi tameleke, wu hlamusela leswi Timbhoni ta Yehovha ti swi endlaka ku pfuna lava poneke, lava tirhanaka ni timhangu ni lava feriweke.”