Leswi U Nga Swi Vulaka Hi Timagazini

Xihondzo xo Rindza Jan. 15

“Vanhu vo tala va tirhisa swifaniso evugandzerini bya vona. Xana u ehleketa leswaku swi na wona matimba ya ku ponisa? [Yimela nhlamulo.] Ndzi kombela u xiya leswi Xikwembu xa ntiyiso xi nga ta hi endlela swona. [Hlaya Nhlavutelo 21:3, 4.] Sweswo swi nga endliwa ntsena hi Xikwembu xa xiviri. Magazini lowu wu kombisa leswaku i mani ni ndlela leyi hi vuyeriwaka ha yona hi ku veka ntshembo wa hina eka xona.”

Xihondzo xo Rindza Feb. 1

“Vanhu va karhateke ngopfu hi ku thyakisiwa ka mbango. Xana a wu swi tiva leswaku mianakanyo na yona ya thyakisiwa? [Yimela nhlamulo.] Bibele yi kandziyisa nkoka wa ku basa emirini ni le moyeni. [Hlaya 2 Vakorinto 7:1.] Ndza tshemba u ta kuma rungula leri ri pfuna naswona ri tirha.”

Xalamuka! Feb. 8

“Ndza tshemba u swi xiyile leswaku hambileswi vatekani va talaka ku sungula vukati bya vona va tsakile, eka vo tala a byi tlhaveriwi hi dyambu. Ndzi rhandza ku ku siyela Xalamuka! leyi, hikuva yi hlamusela langutelo ra Bibele ra ndlela leyi vukati byi nga khomelelaka ha yona naswona byi tsakisa.”

Xingheniso Xin’wana: “Hi nga ha swi tekela ehansi ku va ni ndhawu leyi hi yi vulaka kaya ra hina. Kambe vahlapfa va timiliyoni emisaveni hinkwayo va tsendzeleka va nga tivi laha va yaka kona, va nga wu kumi ni nsirhelelo lowu va wu lavaka. Xalamuka! yi kambisisa xivangelo xa xiphiqo lexi swin’we ni xitshembiso xa Bibele xa leswaku siku rin’wana, un’wana ni un’wana u ta va ni kaya ra yena.”