Leswi Hi Nga Swi Vulaka Hi Timagazini

Xihondzo xo Rindza Jan. 15

“Xana u ehleketa leswaku mimpatswa leyi tekaneke yi nga yi kuma kwihi ndzayo yo tshembeka? [Yimela nhlamulo.] Vona leswaku i mani musunguri wa vukati. [Hlaya Genesa 2:22.] Xikwembu xi tlhele xi nyikela swiletelo eka xiavelo lexi xiximekaka xa wanuna ni wansati. Magazini lowu wu hlamusela sweswo.”

Xalamuka! Jan.

“Xana u swi xiyile leswaku vanhu vo tala lava tivulaka Vakreste a va ti landzeli tidyondzo ta Yesu? [Yimela nhlamulo.] Hi xikombiso, vo tala a va ma landzeli marito ya Yesu lama tsariweke laha. [Hlaya Yohane 13:35.] Nhloko-mhaka leyi yi hlamusela ku hambana exikarhi ka leswi Yesu a swi dyondziseke ni langutelo ra vanhu vo tala lava tivulaka Vakreste.” N’wi kombe xihloko lexi sungulaka eka tluka 18.

Xihondzo xo Rindza Feb. 1

“Xana u ehleketa leswaku muganga wa ka hina wu nga va ndhawu ya kahle loko munhu un’wana ni un’wana a hanya hi ku landza marito lawa? [Hlaya Vaefesa 4:25. Kutani u yimela nhlamulo.] Vanhu vo tala va ehleketa leswaku swa fanela leswaku munhu a hemba nkarhi wun’wana. Magazini lowu wu hlamusela ndlela leyi swi pfunaka ha yona ku vulavula ntiyiso nkarhi hinkwawo.”

Xalamuka! Feb.

“Swi vonaka onge malangutelo ya vanhu hi vukhongeri ma cinca eka vanhu van’wana. Xana u ehleketa leswaku vanhu a va ha wu voni mpfuno wa kereke? [Yimela nhlamulo.] Marito lama ya muapostola Pawulo ya nyikela xivangelo xa leswaku ha yini van’wana va nga ha byi tshembi vukhongeri. [Hlaya Mintirho 20:29, 30.] Magazini lowu wu kombisa leswi Bibele yi swi vulaka hi vumundzuku bya Vukreste.”