Leswi Hi Nga Swi Vulaka Loko Hi Fambisa Timagazini

Xihondzo xo Rindza Jan. 1

“Xana wa pfumelelana ni leswi tsariweke laha? [Hlaya Yakobo 3:2.] Xihloko lexi xi hi nyika swiringanyeto leswi humaka eBibeleni, leswi nga hi pfunaka ku papalata ku tlhava swirho swa mindyangu ya hina hi marito.” N’wi kombe xihloko lexi sungulaka eka tluka 10.

Xalamuka! Jan.

“Vukati byin’wana ni byin’wana byi ni swiphiqo swa byona. Xana u ehleketa leswaku vatekani va nga wu kuma kwihi nkongomiso lowu nga va pfunaka? [Yimela nhlamulo.] Xiya nkongomiso lowu, lowu pfunaka. [Hlaya Vaefesa 5:22, 25.] Xihloko lexi xi hlamusela leswaku swi vula yini ku va wansati a titsongahata eka nuna wa yena.” N’wi kombe xihloko lexi sungulaka eka tluka 28.

Xihondzo xo Rindza Feb. 1

“Tanihi leswi ku nga ni swiphiqo swo tala namuntlha, xana u ehleketa leswaku hi nga swi kota ku kuma ku rhula ka xiviri ka mianakanyo? [Yimela nhlamulo.] Vanhu vo tala va pfuniwe hi ku anakanyisisa hi leswi Bibele yi swi tshembisaka enkarhini lowu taka. [Hlaya tsalwa rin’we leri tshahiweke kumbe leri kombisiweke eka xihloko lexi u xi vulavulelaka.] Magazini lowu wu hi byela leswi Bibele yi swi vulaka malunghana ni lomu hi humaka kona, xikongomelo xa vutomi ni leswi vumundzuku byi hi khomeleke swona.”

Xalamuka! Feb.

“Vanhu vo tala va titwa va nga sirhelelekanga hikwalaho ka vugevenga lebyi tinyikeke matimba. Xana u ehleketa leswaku xiyimo lexi xi ta kala xi cinca? [Yimela nhlamulo.] Twana vuprofeta lebyi tsakisaka bya Bibele. [Hlaya Pisalema 37:10.] Magazini lowu wu hlamusela xivangelo-nkulu xa vugevenga ni leswi Bibele yi swi vulaka hi ndlela leyi byi nga ta herisiwa ha yona.”