Leswi Hi Nga Swi Vulaka Loko Hi Fambisa Timagazini

Xihondzo xo Rindza Feb. 1

“Ndzi kombela ku ku hlayela tsalwa leri kutani u ndzi byela leswaku mindyangu a yi ta va njhani loko a yi hanya hi ku landza ndzayo leyi? [Hlaya Vaefesa 4:31. Kutani u yimela nhlamulo.]” N’wi kombe xihloko lexi nga eka tluka 18 kutani u ku: “Xihloko lexi xi nyika swiringanyeto leswi pfunaka leswi humaka eBibeleni, leswaku vatekani va papalata timholovo leswaku va ta tsaka.”

Xalamuka! Feb.

“Van’wana va ehleketa leswaku Xikwembu xi tsala xidyoho xin’wana ni xin’wana lexi munhu a xi endlaka. Kasi van’wana va vula leswaku xi rivalela swidyoho hinkwaswo, ku nga khathariseki leswaku swi bihe njhani. Wena u ri yini? [Yimela nhlamulo. Kutani u hlaya Mintirho 3:19.] Xihloko lexi xi hlamusela magoza manharhu lawa Bibele yi vulaka leswaku ma laveka leswaku munhu a kuma tintswalo ta Xikwembu.” N’wi kombe xihloko lexi nga eka tluka 10.

Xihondzo xo Rindza Mar. 1

“Ndzi rhandza ku twa vonelo ra wena eka leswi vuriwaka eka tsalwa leri, leri tolovelekeke. [Hlaya Yohane 3:16.] Xana u ehleketa leswaku swi nga koteka leswaku vanhu va kuma vutomi lebyi nga heriki hikwalaho ka rifu ra munhu un’we? [Yimela nhlamulo.] Magazini lowu wu nyika nhlamuselo leyi twisisekaka ni leyi enerisaka ya ndlela leyi rifu ra Yesu ri hi pfunaka ha yona.”

Xalamuka! Mar.

“Xana u ehleketa leswaku vukhongeri hinkwabyo byi lulamile? [Yimela nhlamulo.] Xiya leswi Bibele yi swi vulaka hi ndlela leyi van’wana va gandzelaka ha yona. [Hlaya Marka 7:7.] Xana munhu a nga swi vonisa ku yini loko vugandzeri bya yena byi dyondzisa ntiyiso ku nga ri ‘swileriso swa vanhu’? Xana byi kona vukhongeri lebyi dyondzisaka ntiyiso? Magazini lowu wu hlamula swivutiso leswi.”