Leswi Hi Nga Swi Vulaka Hi Timagazini

Xihondzo xo Rindza Feb. 15

“Vanhu van’wana va tivutisa loko Xikwembu xi ri kona. Van’wana va vula leswaku xona xi kona kambe a xi khathali hi vona. Xana wena u ri yini? [Yimela nhlamulo.] Xiya mhaka leyi ku tiva Xikwembu swi nga swa nkoka ha yona. [Hlaya Yohane 17:3.] Mhaka leyi yi ta ku tsakisa swinene loko u hlaya swihloko swo sungula swa nkandziyiso lowu.”

Xihondzo xo Rindza Mar. 1

“Hi nga rhandza ku twa vonelo ra wena malunghana ni tsalwa leri. [Hlaya Matewu 5:10.] Xana munhu a nga tsakisa ku yini loko a xanisiwa? [Yimela nhlamulo.] Swihloko swimbirhi swo sungula swa magazini lowu swi hi byela hi van’wana lava tshameke va tsakile hambiloko va xaniseka. U ta swi tsakela ku hlaya u titwela leswaku sweswo va swi kotise ku yini.”

Xalamuka! Mar. 8

“Xana u anakanya leswaku Xikwembu a xi lava leswaku vanhu, ku katsa ni vana va sika hi ndlala? [Yimela nhlamulo.] Xiya xitshembiso lexi chavelelaka lexi kumekaka eBibeleni. [Hlaya Pisalema 72:16.] Nkandziyiso lowu wa Xalamuka! wu hlamusela swivangelo swa ku sika, naswona xa nkoka swinene, wu vulavula hi xitshembiso xa Xikwembu xa ku herisa ku sika ku nga ri khale.”