Leswi Hi Nga Swi Vulaka Hi Timagazini

Xihondzo xo Rindza Feb. 15

“Loko a wo kota ku hlawula munhu la nga ta fuma misava, xana a wu ta hlawula mani? [Yimela nhlamulo.] Nkandziyiso lowu wa Xihondzo xo Rindza wu hlamusela vumbhoni bya Mesiya, loyi Xikwembu xi n’wi hlawuleke leswaku a fuma misava. Wu tlhela wu hlamusela leswi mfumo wakwe wu nga ta swi endlela vanhu.” Hlaya Esaya 9:6, 7.

Xalamuka! Feb.

“Namuntlha ku ni swikwembu swo tala leswi vanhu va swi gandzelaka. Kambe, xiya leswi Yesu a swi vuleke loko a khongela eka Tata wa yena wa le tilweni. [Hlaya Yohane 17:3.] Loko ku ri ni Xikwembu xin’we ntsena xa ntiyiso, xana u ehleketa leswaku swikwembu leswin’wana hinkwaswo swi wela kwihi? [Yimela nhlamulo.] Xihloko lexi xi hlamusela leswi Bibele yi swi vulaka.” N’wi kombe xihloko lexi nga eka matluka 28-9.

Xihondzo xo Rindza Mar. 1

“Vanhu vo tala va swi twisisa leswaku hi fanele hi rhandzana, hilaha Yesu a leriseke hakona etsalweni leri. [Hlaya Yohane 13:34, 35.] Kambe hi nga va kuma kwihi vanhu lava hanyaka hi tidyondzo ta Yesu? [Yimela nhlamulo.] Magazini lowu wu hlamusela ndlela leyi hi nga va tivaka ha yona Vakreste va ntiyiso namuntlha.”

Xalamuka! Mar.

“Rirhandzu i ra nkoka leswaku hi tshama hi tsakile naswona hi hanye kahle. Kambe vanhu vo tala swa va tikela ku kuma rirhandzu ra ntiyiso. U ehleketa leswaku sweswo swi vangiwa hi yini? [Yimela nhlamulo.] Xilotlelo xin’wana xo kuma rirhandzu ra ntiyiso i ku dyondza ku rhandza van’wana handle ka vutianakanyi. Magazini lowu wu hlamusela leswi lavekaka leswaku hi rhandza van’wana.” Hlaya 1 Vakorinto 13:4-7.