Leswi Hi Nga Swi Vulaka Hi Timagazini

Xihondzo xo Rindza Feb. 15

“Van’wana va vona onge vanhu va onha misava. Xana sweswo swi tshama swi ku vilerisa? [Yimela nhlamulo.] Vona xitshembiso lexi, lexi chavelelaka. [Hlaya Nhlavutelo 11:18.] Magazini lowu wu hlamusela leswi endlaka pulanete leyi yi va yo hlawuleka. Wu tlhela wu kombisa leswi Bibele yi swi vulaka hi vumundzuku bya misava.”

Xalamuka! Feb.

“Xana u ehleketa leswaku leswi swi hlamuseriwaka etsalweni leri hi swona swi endlaka leswaku ku va ni swiphiqo swo tala emisaveni? [Hlaya 1 Yohane 5:19. Kutani u yimela nhlamulo.] Xihloko lexi xi kombisa leswi Bibele yi swi vulaka hi ndlela leyi hi nga n’wi vonaka ha yona “lowo homboloka” ni ndlela leyi hi nga wu papalataka ha yona nkucetelo wa yena wa matimba.” N’wi kombe xihloko lexi sungulaka eka tluka 12.

Xihondzo xo Rindza Mar. 1

“Vanhu vo tala va vona onge tikereke hinkwato ti gandzela Xikwembu. Xana u ehleketa leswaku swi na mhaka leswaku hi yihi kereke leyi munhu a yi hlawulaka? [Yimela nhlamulo.] Xiya leswi vuriwaka laha. [Hlaya 1 Yohane 4:1.] Magazini lowu wu hlamusela ndlela leyi hi nga ti kambisisaka ha yona tidyondzo ku vona loko ti huma eka Xikwembu. Wu tlhela wu hlamusela ndlela leyi tikereke to hambana-hambana ti sunguleke ha yona.”

Xalamuka! Mar.

“Hi ku ya hi mavonelo ya wena, hi yihi mintlhontlho leyi vantshwa va langutanaka na yona namuntlha? [Yimela nhlamulo.] Ndzimana leyi yi kandziyisa ntlhontlho wun’we—ku nga ku kuma vanghana lavanene. [Hlaya Swivuriso 13:20.] Magazini lowu wu hlamusela makhombo lama nga welaka vantshwa loko va tirhisa Internet leswaku va kuma vanghana ni ndlela leyi va nga sirheleriwaka ha yona.”