Leswi Hi Nga Swi Vulaka Hi Timagazini
Xihondzo xo Rindza Feb. 15
“Vanhu vo tala va karhateka hi swilo swo biha leswi endliweke hi vito ra vukhongeri. Van’wana va anakanya leswaku vukhongeri hi byona byi nga ndzhombo wa swiphiqo swa vanhu. Xana u kale u anakanya ha yona mhaka leyi? [Yimela nhlamulo. Kutani u hlaya Nhlavutelo 18:24.] Magazini lowu wu hlamusela leswi Bibele yi swi vulaka hi mhaka leyi.”
Xihondzo xo Rindza Mar. 1
“Siku rin’wana Yesu Kreste u vutisiwile xivutiso lexi nge: ‘Hi xihi xileriso xo sungula eka hinkwaswo?’ Xiya nhlamulo ya yena. [Hlaya Marka 12:29, 30.] Xana u kale u tivutisa leswaku Yesu a a vula yini? [Yimela nhlamulo.] Xihloko lexi nge ‘Ndlela Leyi Hi Kombisaka Ha Yona Leswaku Hi Rhandza Xikwembu’ xi hlamusela marito wolawo lama dumeke.”
Xalamuka! Mar. 8
“Vanhu vo tala va swi tsakela swinene ku dyondza hi ta swifuwo swa le kaya naswona van’wana va tsakela ku swi fuwa. [Yimela nhlamulo.] Magazini lowu wu hlamusela swin’wana swa swiphiqo leswi nga kona loko u ri ni xifuwo ekaya. Nakambe wu hlamusela hi xitshembiso xa Xikwembu xa nkarhi lowu swiharhi hinkwaswo swi nga ta va ni ku rhula swona hi swoxe swin’we ni vanhu.” Hlaya Esaya 11:6-9.
“Ku ve ni nkarhi lowu vanhu vo tala a va tshama va chuhile leswaku ku ta va ni nyimpi ya nyutliya. Xana u anakanya leswaku nyimpi ya nyutliya yi nga tlhekeka namuntlha? [Yimela nhlamulo.] Magazini lowu wu hlamusela swiendlakalo swa sweswinyana leswi khumbaka un’wana ni un’wana wa hina. Wu tlhela wu hlamusela xitshembiso xa Bibele xa misava leyi eka yona ku chava ku nga ta va ku nga ha ri kona.” Hlaya Sofaniya 3:13.