Leswi Hi Nga Swi Vulaka Hi Timagazini

Xihondzo xo Rindza Feb. 15

“Minkarhi yin’wana hi twa swiviko swa leswaku ku humelele singita. [Boxa xikombiso.] Vanhu van’wana va swi tshemba swiviko leswi. Van’wana a va swi tshembi. Magazini lowu wu kambisisa masingita lama vikiweke eBibeleni hi xikongomelo xo kumisisa leswaku ma endlekile kumbe a ma endlekanga, ni ku vona loko ma ha endleka ninamuntlha?” Hlaya Yeremiya 32:21.

Xihondzo xo Rindza Mar. 1

“Xana u anakanya leswaku misava yi nga va ndhawu yo tsakisa loko munhu un’wana ni un’wana a tirhisa ndzayo leyi? [Hlaya Varhoma 12:17, 18. Kutani u yimela nhlamulo.] Khombo ra kona, minkarhi yin’wana vanhu va tlulana milenge. Magazini lowu wu kombisa leswaku vanhu va nga yi tirhisa njhani ndzayo ya Bibele ku lulamisa timhaka loko vo tshuka va tlulane milenge.”

Xalamuka! Mar. 8

“Eminkarhini ya khale, Xikwembu xi lerise vana leswaku va xixima vamana wa vona swin’we ni vatata wa vona. [Hlaya Eksoda 20:12.] Xana u anakanya leswaku vamanana va ha xiximiwa hi ndlela leyi faneleke ninamuntlha? [Yimela nhlamulo.] Magazini lowu wu hlamusela swiphiqo leswi vamanana va langutanaka na swona ematikweni yo hambana-hambana ni ndlela leyi va swi hlulaka ha yona.”

Xingheniso Xin’wana: “Lembe ni lembe, ku laveka gezi ro tala. Xana ku nga endleka yini loko gezi ro hela? [Yimela nhlamulo.] Magazini lowu wu hlamusela matshalatshala lama endliwaka leswaku ku kumeka gezi handle ko thyakisa moya. Xi tlhela xi hi byela leswaku i mani la nga Muendli wa swilo hinkwaswo swo endla gezi.” Hlaya Esaya 40:26.