Leswi Hi Nga Swi Vulaka Hi Timagazini

Xihondzo xo Rindza Jan. 15

“Emalembeni ya sweswinyana va ya va andza vanhu lava tshembelaka eka tintsumi. Xana u tshama u tivutisa leswaku tintsumi i yini nileswaku ti byi khumba njhani vutomi bya hina? [Yimela nhlamulo. Kutani u hlaya Pisalema 34:7.] Magazini lowu wu hlamusela leswi Bibele yi swi vulaka hi leswi tintsumi ti swi endleke enkarhini lowu hundzeke, leswi ti swi endlaka sweswi ni leswi ti nga ta swi endla enkarhini lowu taka.”

Xalamuka! Jan.

“Namuntlha ku ni ndzayo emhakeni yin’wana ni yin’wana. Kambe, xana u ehleketa leswaku hi nga yi tshemba ku fikela kwihi? [Yimela nhlamulo. Kutani u hlaya 2 Timotiya 3:16.] Xalamuka! leyi yi kombisa leswaku ha yini hi fanele ku lava vutlhari lebyi tshembekaka eBibeleni.” N’wi hlamusele xihloko lexi sungulaka eka tluka 18.

Xihondzo xo Rindza Feb. 1

“Hinkwerhu ha yi lava mali leswaku hi kota ku hanya. Kambe, xana wa pfumela leswaku hi fanele ku xiya khombo leri boxiweke laha? [Hlaya 1 Timotiya 6:10, kutani u yimela nhlamulo.] Xihondzo xo Rindza lexi xi hlamusela mintlhamu leyi tolovelekeke leyi phasaka lava fuweke, xi tlhela xi hlamusela ndlela leyi hi nga papalataka ku phasiwa hi yona.”

Xalamuka! Feb.

“Vo tala va hina lava hi nga ni maxaka lama dyuhaleke ha tivutisa leswaku hi nga ma pfuna njhani leswaku ma kota ku langutana ni swiphiqo swa vudyuhari. Xana a swi tano ke? [Yimela nhlamulo.] Magazini lowu wu ringanyeta swilo leswi hi nga swi endlaka leswaku maxaka ya hina ma kota ku tiyiselela vudyuhari. Yi tlhela yi hlamusela ndlela leyi vuprofeta lebyi byi nga ta hetiseka ha yona.” Hlaya Yobo 33:25.