Leswi Hi Nga Swi Vulaka Hi Timagazini

Xihondzo xo Rindza Jan. 15

“Hinkwerhu ka hina hi tsakela ku va ni rihanyo lerinene swin’we ni vana va hina, kambe vo tala va vona onge swi nge koteki sweswo. Xana u anakanya leswaku hi nga byi lawula vumundzuku bya hina? [Yimela nhlamulo.] Magazini lowu wu kombisa leswi Bibele yi swi vulaka, ku nga leswaku hi nga swi kota ku va ni rihanyo lerinene hikuva vumundzuku bya hina byi titshege hi ndlela leyi hi hlawulaka ku hanya ha yona sweswi.” Hlaya Deteronoma 30:19.

Xihondzo xo Rindza Feb. 1

“A swi tsakisi ku vona vanhu vo tala namuntlha va tshikileriwa ni ku xanisiwa, a swi tano ke? [Boxa xikombiso lexi tivekaka endhawini ya ka n’wina, kutani u yimela nhlamulo.] Magazini lowu wu hlamusela ndlela leyi Xikwembu xi byi langutaka ha yona vutomi bya vanhu. Wu tlhela wu hlamusela ndlela leyi xi nga ta hi ponisa ha yona eka ku xaniseka loku nga kona namuntlha.” Hlaya Pisalema 72:12-14.

Xalamuka! Feb. 8

“Loko hi vabya, hinkwerhu ka hina hi lava ku tshunguriwa hi dokodela la nga ni ntwela-vusiwana. Kambe i vangani vavabyi lava tinyikaka nkarhi wo anakanya hi ndlela leyi dokodela a titwaka ha yona? [Yimela nhlamulo.] Magazini lowu wu hlamusela swiphiqo leswi madokodela ma langutanaka na swona ni leswaku hi byihi vumundzuku bya ta vutshunguri.” Hlaya Esaya 33:24.

Xingheniso Xin’wana: “Ndza tshemba wa pfumela leswaku ntlhontlho lowukulu lowu hi langutaneke na wona namuntlha i ntshikilelo? [Yimela nhlamulo.] Bibele yi profete hi ku kongoma leswaku swi ta va tano. [Hlaya 2 Timotiya 3:1.] Magazini lowu wu nyikela swiringanyeto leswinene, leswi nga pfunaka wena ni ndyangu wa wena leswaku mi langutana ni ntshikilelo.”