N’wangulo Lowunene!

¹ Etindhawini hinkwato mindyangu ya Vakreste yi phofule ku tlangela ka yona vhidiyo leyi nge Young People Ask—How Can I Make Real Friends? Tatana wa le United States u vule leswaku endzhaku ko yi hlalela majaha yakwe ma tshamisekile naswona ma kote ku hlamusela hinkwaswo leswi ma swi voneke eka vhidiyo leyi! Xiviko lexi humaka eMalawi xi vula leswaku vamakwerhu lavantshwa va kwalaho va khumbekile hikuva na vona va hlohloteriwa hi tintangha ta vona exikolweni. Tatana wa le Jarimani u vule leswi hi vhidiyo leyi: “Ndzi yi teka ku ri nhlamulo ya swikhongelo swa mina.” Muntshwa un’wana u te: “Ndzi khensa ku tsundzuxiwa leswaku Yehovha wa khathala hi mina.” Nkulu un’wana eNew Zealand u te: “Yi pfune un’wana wa vantshwa va hina leswaku a vuya endleleni leyi yaka evuton’wini.” Wansati un’wana la tekiweke u vule leswi endzhaku ka loko a yi hlalerile: “Ndzi navela onge vantshwa hinkwavo lava nga entiyisweni va nga hlalela vhidiyo kutani va susumeteleka ku endla ntiyiso wu va wa vona!” Ha yini mi nga yi hlaleli nakambe tanihi mindyangu? Endzhaku ko yi hlalela, bulani hi swivutiso leswi landzelaka.

² Xingheniso: Munghana wa ntiyiso hi wihi?—Swiv. 18:24.

³ Swiphiqo Swa Xinakulobye: Xana u nga swi hlurisa ku yini ku titwa u khirhiwa? (Filp. 2:4) Ha yini u fanele u tiyimisela ku antswisa vumunhu bya wena, naswona i mani loyi a nga ku pfunaka ku endla sweswo? I yini leswi nga endlaka leswaku u va ni vanghana vo tala, naswona u nga va kuma kwihi?—2 Kor. 6:13.

⁴ Vunghana Ni Xikwembu: Xana u nga swi kotisa ku yini ku va ni vunghana na Yehovha, naswona ha yini swi fanerile ku lwela ku va ni vunghana byo tano? (Ps. 34:8) I mani la nga tiyisaka vunghana bya wena ni Xikwembu?

⁵ Vanghana Vo Biha: Hi vahi vanghana vo biha? (1 Kor. 15:33) Xana vanghana vo biha va nga byi onhisa ku yini vumoya bya wena? Xana mhaka ya Dina ya le Bibeleni yi ku dyondzisa yini?—Gen. 34:1, 2, 7, 19.

⁶ Drama Ya Manguva Lawa: Xana xivundza xi ve ni vuyelo byihi eka Tara? Xana u xi yimelele njhani xinakulobye xa yena ni vantshwa va misava? Hi wahi makhombo lawa va n’wi ngheniseke eka wona? Hikwalaho ka yini vatswari va yena va tsandzeke ku vona khombo leri a a ri eka rona, kambe va n’wi pfune hi ndlela yihi leswaku a hlakarhela hi tlhelo ra moya? Xana phayona ra xisati ri tikombise njhani leswaku i munghana wa ntiyiso eka Tara? Hikwalaho ka yini Vakreste va fanele ku yingisa Swivuriso 13:20 na Yeremiya 17:9? Hi yihi dyondzo ya nkoka leyi Tara a nga yi kuma?

⁷ Mahetelelo: I tidyondzo tihi leti wena u ti kumeke eka vhidiyo leyi? Xana u nga va pfuna njhani van’wana ha yona?—Ps. 71:17.