Young People Ask—How Can I Make Real Friends?
Yehovha u vumbe vanhu leswaku va va ni ntirhisano ni ku endla xinghana. (Swiv. 17:17; 18:1, 24) Leswaku xinghana xolexo xi va lexi vuyerisaka, hi fanele hi hlawula vanghana hi vukheta. (Swiv. 13:20) Endzhaku ko hlalela vhidiyo leyi nge Young People Ask—How Can I Make Real Friends?, xana u nga swi kota ku hlamula swivutiso leswi landzelaka?
Xingheniso:
(1) Xana munghana lonene i yini?
Swihinga Swa Vunghana:
(2) Xana u nga swi hlula njhani ku titwa u nga laviwi? (Filp. 2:4) (3) Ha yini hi fanele hi navela ku antswisa vumunhu bya hina, naswona i mani la nga hi pfunaka ku endla tano? (2 Kor. 13:11) (4) I yini leswi nga ta hi pfuna ku kuma vanghana vo tala?—2 Kor. 6:13.
Xinakulobye Ni Xikwembu:
(5) Xana hi nga xi hlakulela njhani xinakulobye ni Xikwembu naswona ha yini ku endla tano swi lava matshalatshala? (Ps. 34:8) (6) Loko hi endla leswaku Yehovha a va munghana wa hina lonkulu, i xinakulobye xa njhani lexi hi nga ta va na xona ni vanhu van’wana?
Vanghana Lava Nga Riki Vanene:
(7) I vamani vanghana vo biha? (1 Kor. 15:33) (8) Xana vanghana vo biha va nga xi onha njhani xinakulobye xa hina na Yehovha?
Drama Ya Manguva Lawa:
(9) Xana xikombiso xa le Bibeleni malunghana na Dina xi hi dyondzisa yini? (Gen. 34:1, 2, 7, 19) (10) Xana Tara u xi yimelele njhani xinakulobye xa yena ni vanghana va misava? (11) Hi wahi makhombo lawa vanghana va Tara va le xikolweni va n’wi ngheniseke eka wona? (12) Ha yini vatswari va Tara va tsandzekile ku vona khombo leri a a ri eka rona, kambe va n’wi pfune hi njhani leswaku a tlhela a hlakarhela hi tlhelo ra moya? (13) Xana phayona ra xisati ri tikombise ri ri munghana wa xiviri eka Tara hi ndlela yihi? (14) I yini leswi Tara a swi xiyeke eku heteleleni?
Mahetelelo:
(15) Hi yihi dyondzo leyi u yi kumeke eka vhidiyo leyi? (16) U nga va pfuna njhani van’wana hi ku tirhisa vhidiyo leyi?
Onge hi nga hlawula vanghana lava nga ta hi pfuna leswaku hi hlayisa xinakulobye lexikulu ku tlula hinkwaswo—xinakulobye ni Xikwembu!—Ps. 15:1, 4; Esa. 41:8.