Leswi U Nga Swi Vulaka Hi Timagazini

Xihondzo xo Rindza Apr. 15

“Ku nga khathariseki leswaku va tshama kwihi, vanhu va lava vuhlayiseki, byo fana ni ku kuma ntirho lowunene u tlhela u khomelela eka wona. Kambe xana u kale u swi anakanya leswaku ku ni xihlovo xa vuhlayiseki lebyi nga heriki, lexi nga endlaka leswaku u hlayiseka hilaha ku nga riki na makumu? [Hlaya Pisalema 16:8, 9.] Nkandziyiso lowu wa Xihondzo xo Rindza wu hlamusela leswaku vuhlayiseki bya ntiyiso hi nga byi kuma kwihi.”

Xihondzo xo Rindza May 1

“Xana u tiva un’wana loyi a vabyaka swinene kumbe loyi a lamaleke? Handle ko kanakana wa pfumela leswaku vanhu vo tano va lava ku khutaziwa. Kambe xana hi nga va khutaza njhani? Bibele yi ni marito lama nyikaka ntshembo. [Hlaya Esaya 35:5, 6.] Nkandziyiso lowu wa Xihondzo xo Rindza wu hlamusela mhaka leyi hi nga tiyisekaka ha yona leswaku vuprofeta byebyo byi ta hetiseka.”

Xalamuka! May 8

“Vo tala namuntlha va tshika tikereke ta vona kutani va gandzela Xikwembu hi ndlela ya vona. Xana u titwa njhani hi mukhuva wolowo? [Yimela nhlamulo.] Bibele yi kombisa leswaku Xikwembu xa khathala hakunene hi ndlela leyi hi xi gandzelaka ha yona. [Hlaya Yohane 4:24.] Nkandziyiso lowu wa Xalamuka! wu hi byela ndlela yo antswa yo enerisa swilaveko swa hina swa moya.”

Xingheniso Xin’wana: “N’wexemu ku rhula ku xungetiwile swinene. Xana u anakanya leswaku mimfumo ya vanhu yi nga swi kota ku tisa ku rhula ka misava hinkwayo? [Endzhaku ka nhlamulo, hlaya Esaya 2:4.] Nkandziyiso lowu wa Xalamuka! wu kombisa mhaka leyi hi nga tiyisekaka ha yona leswaku ku rhula emisaveni hinkwayo ku ta va kona hakunene ku nga ri khale.”