Leswi Hi Nga Swi Vulaka Hi Timagazini
Xihondzo xo Rindza Apr. 15
“Vanhu van’wana va ehleketa leswaku swilo hinkwaswo leswi humelelaka evuton’wini ku katsa ni makhombo, i ku rhandza ka Xikwembu. Wena u ri yini hi mhaka leyi? [Yimela nhlamulo.] Vanhu vo tala va xi tiva xikhongelo lexi. [Hlaya Matewu 6:10b.] Xikwembu xi rhandza leswaku misava yi va njhani, naswona ku rhandza ka xona ku ta hetiseka rini hilaha ku heleleke? Magazini lowu wu ta ku nyika nhlamulo leyi humaka eBibeleni.”
Xihondzo xo Rindza May 1
“Varhangeri van’wana va vukhongeri va nghene hi nhloko etipolitikini, leswaku va ta antswisa vutomi bya vanhu. Kambe xiya leswi Yesu a swi endleke loko vanhu va lava ku n’wi endla hosi. [Hlaya Yohane 6:15.] Yesu u endle leswaku vanhu va anakanyisisa hi nchumu wun’wana wa nkoka lowu a wu ta pfuna van’wana hilaha ku nga heriki. Magazini lowu wu hlamusela leswaku i yini nchumu wolowo.”
Xalamuka! May 8
“Namuntlha emisaveni van’wana va titwa va nga ri na ntshembo. Xana na wena nkarhi wun’wana u titwa hi ndlela yoleyo? [Yimela nhlamulo. Kutani u hlaya Varhoma 15:4.] Vanhu vo tala va swi tiva leswaku i swa nkoka ku va ni ntshembo. U ta tiphina hi ku kambisisa swivangelo swa nkombo swa Matsalwa swa ku va ni ntshembo, leswi tsariweke enkandziyisweni lowu wa Xalamuka!”
Xingheniso Xin’wana: “Vanhu vo tala va langutana ni swiyimo swo tika entirhweni. Van’wana va karhatiwa hi vatirhi-kulobye. Xana a wu swi tiva leswaku Bibele yi tamele ndzayo leyi nga hi pfunaka ku langutana ni swiyimo swo tano? [Yimela nhlamulo. Kutani u hlaya Swivuriso 15:1.] Magazini lowu wu nyikela swiringanyeto leswi twisisekaka swa ndlela leyi ha yona hi nga hlayisaka ku rhula ni van’wana entirhweni.”