Leswi Hi Nga Swi Vulaka Hi Timagazini

Xihondzo xo Rindza Apr. 15

“Namuntlha mahungu a ma heli, xana a swi tano? [Yimela nhlamulo.] Hambiswiritano, ku hava mahungu ya nkoka ku tlula lama hlamuseriweke etsalweni leri. [Hlaya Yohane 17:3.] Magazini lowu wu hlamusela leswi ‘vutomi lebyi nga heriki’ byi vulaka swona ni ndlela leyi hi nga byi kumaka ha yona vutivi lebyi nga ta hi endla leswaku hi kuma vutomi lebyi nga heriki.”

Xihondzo xo Rindza May 1

“Loko hi feriwa hi murhandziwa wa hina, hi ntumbuluko hi navela ku tlhela hi n’wi vona. Xana a swi tano? [Yimela nhlamulo.] Vo tala va chaveleriwe hi xitshembiso lexi nga eBibeleni xa ku pfuxiwa ka vafi. [Hlaya Yohane 5:28, 29.] Magazini lowu wu vulavula hi nkarhi wa ku pfuxiwa ka vafi ni leswaku i vamani lava nga ta pfuxiwa.”

Xalamuka! May. 8

“Hambileswi Yesu Kreste a tiviwaka ngopfu ku tlula munhu wihi ni wihi loyi a nga tshama a hanya, vanhu vo tala va tivutisa leswaku kahle-kahle Yesu i mani. Xana a wu swi tiva leswaku hambi ku ri vaapostola va Yesu va kale va tivutisa hi mhaka leyi? [Yimela nhlamulo. Kutani u hlaya Marka 4:41.] Magazini lowu wu hlamusela leswi Bibele yi swi vulaka malunghana ni leswaku Yesu i mani hakunene.”

Xingheniso Xin’wana: “Vatswari vo tala va hlawula leswi va lavaka leswaku vana va vona va swi hlalela. Xana swa ku tikela ku kumela ndyangu wa wena tifilimi leti faneleke? [Yimela nhlamulo. Kutani u hlaya Vaefesa 4:17.] Magazini lowu wu hlamusela ndlela leyi vatswari va nga va pfunaka ha yona vana va vona ku hlawula vuhungasi lebyinene.”