Leswi Hi Nga Swi Vulaka Loko Hi Fambisa Timagazini
Xihondzo xo Rindza Apr. 1
“Leswi vanhu va nga le ku onheteleni ka swilo leswi nga kona laha misaveni, xana u ehleketa leswaku ku ta humelela yini hi yona? [Yimela nhlamulo.] Xiya xitshembiso lexi khutazaka lexi humaka eBibeleni. [Hlaya Pisalema 104:5.] Xihloko lexi xi bula hi leswi Bibele yi swi vulaka mayelana ni vumundzuku bya misava leyi.” N’wi kombe xihloko lexi sungulaka eka tluka 10.
Xalamuka! Apr.
“Leswi hi tshamaka hi khomekile, vanhu vo tala a va wu kumi nkarhi wa ku gandzela Xikwembu. Xana na wena swi tano? [Yimela nhlamulo. Kutani u hlaya Vaefesa 5:15-17.] Xihloko lexi xi nyikela nhlamuselo leyi humaka eBibeleni leyi twalaka mayelana ni leswaku hi fanele hi heta nkarhi wo tanihi kwihi hi ri karhi hi gandzela Xikwembu.” N’wi kombe xihloko lexi nga le ka tluka 20.
Xihondzo xo Rindza May 1
“Vanhu vo tala va vula leswaku va tshemba ntsena leswi va kotaka ku swi vona hi mahlo ya vona. Xana wena u ri yini? [Yimela nhlamulo. Kutani u hlaya Varhoma 1:20.] Magazini lowu wu bula hi timfanelo tinharhu ta Xikwembu leti hi nga ti vonaka eka ntumbuluko, wu tlhela wu kombisa ndlela leyi ku tiva timfanelo leti swi nga hi pfunaka ha yona.”
Xalamuka! May
“Vanhu vo tala namuntlha va rhurhumela loko va ehleketa hi vumundzuku. Xana u ehleketa leswaku swiyimo swi ta antswa kumbe swi ta ya swi nyanya? [Yimela nhlamulo. Kutani u hlaya Nhlavutelo 21:3, 4.] Magazini lowu wu hlamusela leswaku hi nga tshemba leswaku Xikwembu xi ta herisa swiphiqo hinkwaswo leswi nga kona ku nga ri khale, leswi vafumi va misava leyi va tsandzekaka ku swi lulamisa.”