Leswi Hi Nga Swi Vulaka Hi Timagazini

Xihondzo xo Rindza Mar. 1

“Siku ni siku hi twa hi ta ku xaniseka, mavabyi ni rifu. Xana u ehleketa leswaku swilo leswi swi ta kala swi hela? [Yimela nhlamulo.] Ku ni ndzimana yin’wana eBibeleni leyi nyikeke timiliyoni ta vanhu ntshembo. [Hlaya Yohane 3:16.] Magazini lowu wu ni xihloko lexi nge ‘Ndlela Leyi Rifu Ra Yesu Ri Nga Ku Ponisaka Ha Yona.”

Xalamuka! Mar.

“Xana u anakanya leswaku swiyilayila a swi na khombo kumbe swi ni khombo? [Yimela nhlamulo.] Twana leswi Bibele yi swi vulaka. [Hlaya Esaya 65:11.] Xihloko lexi xi hlamusela leswaku xana swiyilayila swa fambisana ni tidyondzo ta Bibele?” Hlamusela xihloko lexi sungulaka eka tluka 10.

Xihondzo xo Rindza Apr. 1

Hlaya Esaya 2:4 kutani u ku, “Xana u nga swi tsakela ku vona vuprofeta lebyi byi hetiseka? [Yimela nhlamulo.] Xiya leswaku Xikwembu xi ta nghenelela etimhakeni ta vanhu kutani xi ‘lulamisa swilo’ hinkwaswo. Bibele yi hi byela leswaku Xikwembu xi ta lwa nyimpi leyi vuriwaka Armagedoni leyi nga ta herisa tinyimpi hinkwato. Magazini lowu wu kombisa leswaku Armagedoni i yini, naswona ha yini hi fanele hi yi langutela.”

Xalamuka! Apr.

Hlaya 2 Timotiya 3:1-4 kutani u ku, “Xana wa swi vona leswaku hi hanya enkarhini lowu hlamuseriweke laha? [Yimela nhlamulo.] Hi ni xivangelo lexi twalaka xa ku va hi lava ku tiva swo karhi hi masiku lawa ya makumu hikuva leswi endlekaka swi kombisa leswaku hi le kusuhi ni ku hanya vutomi lebyinene emisaveni leyi. Magazini lowu wa hlamusela.”