Leswi Hi Nga Swi Vulaka Hi Timagazini

Xihondzo xo Rindza Mar. 15

“Vo tala va hina hi tshame hi feriwa hi varhandziwa va hina. Xana wa xi tiva xitshembiso lexi kumekaka etsalweni leri lexi xi hi chavelelaka? [Hlaya Mintirho 24:15. Kutani u yimela nhlamulo.] Kambe vo tala va tivutisa leswaku i vamani lava nga ta pfuxiwa? Xana va ta pfuxiwa rini? Va ta pfuxeriwa kwihi? Magazini lowu wu ni tinhlamulo ta swivutiso sweswo leti humaka eBibeleni.”

Xalamuka! Mar.

“Vanhu vo tala va pfumela leswaku Yesu i Xikwembu. Lexi hlamarisaka hi leswaku Petro mudyondzisiwa wa Yesu u n’wi vule N’wana wa Xikwembu. [Hlaya Matewu 16:16.] Xana u anakanya leswaku swa koteka leswaku Yesu a va Xikwembu tlhelo N’wana wa Xikwembu? [Yimela nhlamulo.] Xihloko lexi nga eka matluka 12-13 xi hlamula xivutiso xexo, hi ku hlamusela leswi Bibele yi vulaka swona.”

Xihondzo xo Rindza Apr. 1

“Marito lawa lama tivekaka ngopfu, lawa ndzi nga ta ku hlayela wona eka tsalwa leri ma kandziyisa leswaku i swa nkoka ku va ni vutivi bya Xikwembu. [Hlaya Matewu 4:4.] Kambe vanhu vo tala swa va tikela ku twisisa Rito ra Xikwembu. Xana na wena swa ku tikela? [Yimela nhlamulo.] Magazini lowu wu ni swiringanyeto leswi twisisekaka leswi nga ku pfunaka ku twisisa Bibele.”

Xalamuka! Apr.

“Vanhu vo tala va tikarhatela ku kuma ntsako, kambe a va talanga lava wu kumaka. Xana u anakanya leswaku swin’wana swa swilo leswi longoloxiweke laha swi nga pfuna vanhu leswaku va tiphina hi vutomi lebyi tsakisaka? [N’wi kombe bokisi leri nga eka tluka 9. Kutani u hlaya rin’wana ra Matsalwa lama kombisiweke.] Nkandziyiso lowu wa Xalamuka! wu hlamusela nkongomiso wa Bibele wo kuma ntsako wa xiviri.”