Leswi Hi Nga Swi Vulaka Hi Timagazini

Xihondzo xo Rindza Mar. 15

“Vanhu va ndhundhuzela tidyondzo ta Yesu emisaveni hinkwayo. [Hlaya leswi tshahiweke eka tluka 3, ndzimana 1.] Kambe, xana u anakanya leswaku tidyondzo toleto, to fana ni leyi nga etsalweni leri, ta ha tirha ninamuntlha? [Hlaya Matewu 5:21, 22a. Kutani u yimela nhlamulo.] Magazini lowu wu vulavula hileswi Yesu a swi dyondziseke ni ndlela leyi swi nga hi vuyerisaka ha yona.”

Xihondzo xo Rindza Apr. 1

“Xana u tshame u twa van’wana va vula leswaku sayense ni Bibele swa kanetana? [Yimela nhlamulo.] Magazini lowu wu kambisisa ku himpfilitana loku veke kona ku sukela khale, exikarhi ka sayense ni vukhongeri. Kambe wu tlhela wu nyikela vumbhoni bya leswaku sayense ya xiviri ya pfumelelana ni Bibele.” N’wi kombe matluka 6-7. Kutani u hlaya Eklesiasta 1:7.

Xalamuka! Apr. 8

“Vanhu vo tala va rhandza tintshava hikwalaho ka vuxongi bya tona, kambe xana a wu swi tiva leswaku i ta nkoka evuton’wini? [Yimela nhlamulo.] Magazini lowu wu hlamusela leswaku ha yini tintshava ti ri ta nkoka ni leswaku i yini leswi endlekaka ha tona namuntlha. Nakambe wu hlamusela ndlela leyi Muvumbi a nga ta ti sirhelela ha yona tintshava leti ta nkoka evuton’wini.” Hlaya Pisalema 95:4.

Xingheniso Xin’wana: “Xana u ehleketa leswaku vatswari va nga va pfuna njhani vana va vona leswaku va papalata swiphiqo emalembeni yo tika ya kondlo-a-ndzi-dyi? [Yimela nhlamulo. Kutani u hlaya Esaya 48:17, 18.] Magazini lowu wu kombisa ndlela leyi ku tirhisa ndzayo ya Bibele swi nga pfunaka vatswari ha yona leswaku va vulavurisana hi ndlela leyinene ni vana va vona, ni ku va vekela milawu leyi kombisaka leswaku va va anakanyela.”