Leswi Hi Nga Swi Vulaka Hi Timagazini

Xihondzo xo Rindza Mar. 15

“Hakanyingi vanhu va vulavula hi ku ta ka Yesu Kreste. Xana u ehleketa leswaku lexi i xiendlakalo lexi u faneleke u xi langutela kumbe u xi chava? [Yimela nhlamulo.] Xiya ndlela leyi Yohane mutsari wa Bibele a titweke ha yona hikwalaho ka xiendlakalo lexi? [Hlaya Nhlavutelo 22:20.] Magazini lowu wu hlamusela leswi ku ta ka Kreste ku nga ta swi hetisisa.”

Xalamuka! Mar.

“Varhangeri vo tala va misava va vonaka va ri ni manyunyu. Xana u ehleketa leswaku langutelo leri ri hoxa xandla eka ku rhula ni ntwanano emisaveni? [Yimela nhlamulo.] Vona leswi Bibele yi swi vulaka hi manyunyu. [Hlaya Swivuriso 16:18.] Xihloko lexi xi hlamusela vuyelo byo titsongahata.” N’wi kombe xihloko lexi sungulaka eka tluka 20.

Xihondzo xo Rindza Apr. 1

“Siku ni siku hi langutana ni swiphiqo leswi khumbaka rihanyo ra hina, ndyangu wa hina ni ntirho wa hina. Xana u ehleketa leswaku hi nga ti kuma kwihi tinhlamulo to tshembeka ni leti pfunaka ta swilo leswi hi karhataka? [Yimela nhlamulo.] Xiya leswi Bibele yi swi vulaka eka 2 Timotiya 3:16. [Hlaya.] Magazini lowu wu kombisa tindlela to tala leti twisisekaka leti Bibele yi nga hi pfunaka ha tona.”

Xalamuka! Apr.

“Eswiphen’wini swo tala swa misava, vanhu va vona onge a ka ha ri na mahanyelo lamanene emisaveni. Xana u swi xiyile sweswo? [Yimela nhlamulo.] Swiyimo leswi hi swi vonaka namuntlha swi hetisisa vuprofeta bya Bibele. [Hlaya 2 Timotiya 3:2-4.] Magazini lowu wu kombisa leswi ku hela ka mahanyelo lamanene swi vulaka swona ni leswi vanhu va nga ta hetelela va ri xiswona.”