Leswi U Nga Swi Vulaka Hi Timagazini

Xihondzo xo Rindza Aug. 15

“Xana u anakanya leswaku hi yihi ndlela yo hlawuleka swinene ya ku kombisa vutshembeki? [Yimela nhlamulo.] Xihloko lexi xi kandziyisa mhaka ya ku tshembeka eka Xikwembu xa ntiyiso. [Pfula eka tluka 5 kutani u hlaya 2 Samuwele 22:26.] Xana a wu swi tiva leswaku ku tshembeka eka Xikwembu swi nga hi sivela ku tikisela van’wana vutomi? Ndza tiyiseka leswaku mhaka leyi yi ta ku tsakisa loko u yi hlaya.”

Xihondzo xo Rindza Sept. 1

“Xana u swi xiyile leswaku etindhawini to tala vanhu lava akelaneke a va ha tivani ku fana ni le ku sunguleni? [Yimela nhlamulo.] Yesu u hlamusele nsinya wa nawu lowu pfunaka swinene emhakeni ya ku va muakelani lonene. [Hlaya Matewu 7:12.] Swihloko leswi swi kombisa ndlela leyi hi nga vaka vaakelani lavanene ha yona ni ku khutaza van’wana leswaku na vona va va vaakelani lavanene.”

Xalamuka! Sept. 8

“Vo tala namuntlha a va tiyiseki hi timhaka ta vutomi. [Hlaya Eklesiasta 9:11.] Xana hi nga byi kuma kwihi vukongomisi lebyi tshembekaka? [Yimela nhlamulo.] Van’wana va ringeta ku kumisisa timhaka ta nkarhi lowu taka hi ku tirhisa tinomboro. Xana sweswo swi nga ku pfuna hakunene? Xana u nga ri kuma kwihi rungula leri tshembekaka malunghana ni vumundzuku? Xalamuka! leyi yi ni tinhlamulo ta swivutiso sweswo.”

Xingheniso xin’wana: “Xana u kale u swi xiya leswaku nthyakiso wa mbango lowu vangiweke hi vanhu a wa ha lawuleki? [Yimela nhlamulo.] Nchumu lowukulu lowu vangaka xiphiqo lexi i ku cukumeta swilo. Yesu u dyondzise valandzeri vakwe leswaku va nga cukumeteli swilo. [Hlaya Yohane 6:12.] Magazini lowu wu kombisa ndlela leyi mindyangu yi nga swi papalataka ha yona ku cukumetela swilo, loko yi landzela misinya ya milawu ya Bibele.”