Leswi Hi Nga Swi Vulaka Hi Timagazini

Xihondzo xo Rindza May 15

“Siku ni siku hi twa swiviko swa madzolonga. Xana u anakanya leswaku khale a swi ri kona swilo leswi? [Yimela nhlamulo.] Vona leswi vuriwaka hi Bibele. [Hlaya Matewu 24:37.] Swiyimo a swi bihe ngopfu enkarhini wa Nowa lerova Xikwembu xi kukula vanhu hinkwavo ku sala Nowa ni ndyangu wa yena ntsena. Magazini lowu wu kombisa ndlela leyi ha yona swiendlakalo swa nkarhi wolowo swi vulaka swona eka hina namuntlha.”

Xihondzo xo Rindza June 1

“Swiviko swa vungungundzwana etimalini leti nyikeriweke eka tinhlengeletano to pfuna swisiwana swi endle leswaku van’wana va tivutisa loko ku ri vutlhari ku nyikela mali eka tona. Nilokoswiritano, ku ni vanhu vo tala lava nga evuswetini. Xana u anakanya leswaku va nga pfuniwa njhani? [Yimela nhlamulo. Kutani u hlaya Vaheveru 13:16.] Magazini lowu wu hlamusela ndlela yo nyika leyi tsakisaka Xikwembu.”

Xalamuka! June 8

“Namuntlha mavabyi lama vangiwaka hi switsotswana hi man’wana ya mavabyi lama nga ni khombo eka hina. Xana wa swi tiva leswaku ku ni leswi hi nga swi endlaka leswaku hi tisirhelela? [Yimela nhlamulo.] Magazini lowu wu hlamusela leswi u nga swi endlaka, swin’we ni xitshembiso xa Bibele xa nkarhi lowu mavabyi ma nga ta va nchumu wa nkarhi lowu hundzeke.” Gimeta hi ku hlaya Esaya 33:24.

“Swi vonaka onge vanhu va namuntlha a va ha ri na mhaka ni mahanyelo lamanene ku fana ni le malembeni lama hundzeke. Xana na wena u swi xiyile sweswo? [Yimela nhlamulo.] Lexi tsakisaka Bibele yi profete hi mhaka leyi. [Hlaya 2 Timotiya 3:1-5.] Xalamuka! leyi yi hlamusela leswaku ha yini mahanyelo ya vanhu ma cinca nileswaku ku ta endleka yini enkarhini lowu taka.”