Leswi Hi Nga Swi Vulaka Hi Timagazini

Xihondzo xo Rindza June 15

“Vanhu van’wana va vula leswaku Yesu u va tlula hinkwavo vanhu lava tshameke va va kona ematin’wini. Van’wana va kanakana leswaku u kale a va kona. Xana u anakanya leswaku swi ni mhaka leswaku hi n’wi tekisa ku yini? [Endzhaku ka nhlamulo, hlaya Mintirho 4:12.] Hi byihi vumbhoni lebyi kombisaka leswaku hakunene Yesu u tshame a va kona laha misaveni? Magazini lowu wu hlamula xivutiso xexo.”

Xihondzo xo Rindza July 1

“Ku rhandza ni ku rhandziwa i nchumu lowukulu lowu hi wu lavaka tanihi vanhu. [Hlaya marito lama tshahiweke lama nga ekusuhi ni xifaniso, eka tluka 4.] Kambe, xana u swi xiyile leswaku vanhu va masiku lawa va tala ku rhangisa swilo swin’wana? [Yimela nhlamulo.] Magazini lowu wu hlamusela leswaku rirhandzu ra ntiyiso i yini ni ndlela leyi ri nga kurisiwaka ha yona.” Hlaya 1 Vakorinto 13:2.

Xalamuka! July 8

“Vanhu vo tala va karhatiwa hi ku andza ka madzolonga. [Nyikela xikombiso lexi tivekaka endhawini ya ka n’wina, kutani u yimela nhlamulo.] Magazini lowu wu hlamusela timhaka tin’wana leti vangaka vugevenga lebyi nga ni tihanyi. Wu tlhela wu hlamusela ni ndlela leyi Xikwembu xi nga ta byi herisa ha yona vugevenga swin’we ni madzolonga.” Hlaya Pisalema 37:10, 11.

Xingheniso Xin’wana: “Vanhu vo tala va vilela hi misava leyi hi hanyaka eka yona. Xana u anakanya leswaku swi ta koteka ku hlayisa makhwati lawa ma nga kona emisaveni? [Yimela nhlamulo.] Magazini lowu wu hlamusela matshalatshala lawa ma endliwaka, yo sirhelela makhwati. Wu tlhela wu hlamusela ndlela leyi Xikwembu xi nga ta xi hetisisa ha yona xitshembiso lexi lexinene.” Hlaya Esaya 11:9.