Leswi Hi Nga Swi Vulaka Hi Timagazini

Xihondzo xo Rindza May 15

“Xana u ehleketa leswaku yi ta kala yi va kona misava leyi pfumalaka vusweti? [Yimela nhlamulo.] Xiya leswi Xikwembu xi swi tshembisaka. [Hlaya Esaya 65:21.] Nkandziyiso lowu wa Xihondzo xo Rindza wu hlamusela ndlela leyi xitshembiso lexi xi nga ta va xa xiviri ha yona.” Hlela ku tlhela u vuya u ta hlamula xivutiso lexi nge: Xana xitshembiso lexi xi ta endleka rini?

Xihondzo xo Rindza June 1

“Hambileswi vanhu vo tala va vulavulaka hi ku rhula, kambe a va swi koti ku hanyisana hi ku rhula. Xana u ehleketa leswaku mhaka ya leswaku vanhu va ta kala va hanyisana hi rhula yo va norho ntsena? [Yimela nhlamulo.] Magazini lowu wu vulavula hi hulumendhe leyi nga ta endla leswaku misava yi va ni vun’we.” Hlaya Pisalema 72:7, 8, kutani u hlela ku tlhela u vuya leswaku u ta n’wi hlamusela ndlela leyi swi nga ta endleka ha yona.

Xalamuka! June. 8

“Vanhu vo tala va swi tiva leswaku i swa nkoka ku endla vutiolori leswaku va va ni rihanyo lerinene, kambe vo tala va pfumela leswaku a va endli vutiolori lebyi eneleke. Xana a swi tano? [Yimela nhlamulo.] Magazini lowu wu hlamusela vuyelo byo endla vutiolori nkarhi na nkarhi wu tlhela wu ringanyeta tindlela tin’wana leti hi nga endlaka vutiolori ha tona hambileswi hi tshamaka hi khomekile.”

Xingheniso Xin’wana: “Xana u swi xiyile leswaku vanhu vo tala va karhateka hikwalaho ka leswi vuvabyi bya khensa ya nhlonge byi andzaka? [Yimela nhlamulo.] Nkandziyiso lowu wa Xalamuka! wu hlamusela leswaku ha yini namuntlha hi ri ekhombyeni lerikulu ro khomiwa hi vuvabyi byebyo ni leswaku hi nga tisirhelela njhani eka byona.” Gimeta hi ku hlaya xitshembiso lexi chavelelaka lexi kumekaka eka Yobo 33:25.